الى كل طلاب السنة الرابعة

زملائي طلاب السنة الرابعة
أنا عندي سؤال بسيط ويا ريت تجاوبوني عليه
وصلني اليوم من بعض الطلاب أنو أنتو عبتشتكو مشان العلامات عبتشوفوها الموقع
شكل وبالكلية شكل تاني
مع أنو علامات الانكليزي بالأخص أنا نزلتها كلها بالموقع بنفسي
معناه أنتو عبتتهمونا ببتزوير العلامات وبتشككو فيني
ممكن أي طالب منكن جاب علاماتو من الكلية مختلفة عن الموقع يقلي أنو أنا علاماتي كانوا غلط
يا ريت تجاوبوني وما تتركوا الموضوع بدون رد

مشكور أخي بالنسبة للعلامات اللي شفتها كانت صحيحة......
بس بقي في عندهم مااااااااادة شوو صار فيها ....
ياريت تشفنا شو وضعها لأنها تاخرت كتير ....
ومشكور اخي

اهلا فيك زميل
بالنسبة ال انا زميلة مو زميل
وبالنسبة لمادة السنة الرابعة لحد اليوم مانزلت
وانشالله بخبرك فيها وقت اللي بتنزل واذا بتحب عطيني الاسم لحتى جبلك ياه لانو احتمال ما نرجع ننزل مواد عالمنتدى

شكراا ألك ولا تواخذينا عالخطأ
على كل تنزيل المواد شغلة كتير حلوة و حضارية...
تسهل على الطالب و تمكنه من متابعة علاماته بالبيت...
بقى لا تحرمونا من هالخدمة ...
وياريت يكون في تعاون بينكم وبين الامتحانات بحيث يعطوكم العلامات وتنزلوها كما هي ...
وهكذا تضمنون الموثوقية وسهولة التحميل ....
ولسه إذا نزلتوها قبل الامتحانات أكيد رح تشوفوا إقبال من الطلاب على الموقع .....
وجزاك الله خيرا

مو مشكلة زميل حصل خير
وبالنسبة لتنزيل المواد نحنا بودنا نضل عمنقوم بتنزيلن عالموقع
بس للأسف ادارة الكلية عبتهاجم الموقع بشكل كبير ومو رايدين يتم الموقع شغال
والسبب الاكبر وراء هالشي أنو بعض الطلاب موصلين للعميد أنو نحنا عمنغير بالعلامات قبل تنزيلن
بما أنو عمنقوم بعملية التصوير من تلقاء نفسنا وهني معترضين على هالشي
لذلك ما عمنعرف شو نتصرف
واذا بالفعل الطلاب بدهن المنتدى يبقى شغال لازم يحكوا مع العميد شخصيا لأنو محارب المنتدى بشكل قوي
وشكرا الك

سلام عليكم
عجبا لأمر العميد .....
تقريبا كل الجامعات عنا صار عندها موقع وحتى تتكفل بالناحية المادية المتعلقة بالموقع ....
فلماذا يحارب الموقع ....
الله يختار الخير .....
على كل المنتدى حق لأي جامعة ولأي طلاب ...
بحيث تعم الفائدة وهذا من أبسط الحقوق ....
وشكرا ...

يسلمو كتير