هااام جدا ارجو الاطلاع من كل الاعضاء

صراحة يا جماعة الخير قععدت اليوم عم اتصفح النت وعم دور على صور من شان اشهر منتدانا وتفاجئت باني مافي ولا صورة لكية اداب ادلب

ولا حتى على سبيل الذكر
مافي غير صورة البانر تبع المنتدى وخرجين الادب العربي

لهيك بتمنى من كل عضو بهمو موضوع المنتدى والكلية اني ياخد صور حلوة لكلية الاداب ويرفعا على هاد الموضوع لكي نعمل على شهرة المنتدى والكلية حتى ولو كانت هالكلية مجرد مدرسة صغيرة
بس متل ما بقولو البشكرة احسن من العما
وحياكم الله

واللـه يا صاحبي لو في من هالكلية خير ما كان رماها الطير ...... على شو بدك تاخدلها صور على هالحدايق الموجودة ولا على السيارات اللي معباية الباحة أكتر من الطلاب ...... ولا جاي على بالك تضحّك العالم علينا ... بتعرف إنو جامعات السودان سبقتنا

بكتييييييييييييييييييييييييير

ههههههههههههههههههههه
أجلا لسنة جاي خاي
هاي اذا نقلونا
بدي صورلك الباب وغرفة الهيئة

لأ احلى شي غرفة الهيئة ولا احلى من هيك ...متل ما قال مازن اجلا للسنة الجاية ......منصور الكلية الجديدة احلى ومبين عليها كلية...والله اذا صورناها هلأ بفكروها مدرسة بقا بلا بهدلة Shocked

عن جد وبصراحة ياجماعة يعطيكن العافية تعليقات غير شكل

سيد مازن منشو بتشكي كليتك ولا الهيئة صحي عايفي
حالها بس المهم من رضي عاش هههههههههههههه
خيبتو ظني فيكن
[ندعوك للتسجيل في المنتدى أو التعريف بنفسك لمعاينة هذه الصورة]
وللعلم أحتمال النقلة ضعيف جدا لذلك لا تتفائلو كتير
وبلشو خدو صور للكلية

[ندعوك للتسجيل في المنتدى أو التعريف بنفسك لمعاينة هذا الرابط]مششششششششكور

ههههههههههههه
لك المنتدى كلو\ منا نشيلو بعد الفحص اذا الله يسر
منشان يعرفوا قيمة الو
بش شعب ما عرفان الله وين حاطوا
وعايش عتوكل

متل ما قلك مازن
لازم نشيل المنتدى بأسرع وقت
لأنو من غير شي صايرين حكاية للرايح والجاي
هاد بس من المنتدى
بقا شلون اذا شافو الكلية
واذا ما نقلونا أحسن لأنو رح نتعتر بالمواصلات
لا قال ما بتعرف خيرو لتجرب غيرو
كلها سنتين او ثلاثة بتتخرجوا وما بدكن هالنقلة ووجع الراس

مازن بعد انتهاء الفحص لازم تعلن اغلاق المنتدى : cyclops

أنا ماني معكن بهالكلام يا مازن وسلام
لما قررتو تعملو المنتدى كنتو عم تستنو التفاعل أو الشكر
وبعدين" خير الأعمال أدومها وإن قل"
ونحنا هيك الناس عنا دائما بتدفعك لليأس ومو قادرين يستوعبو أي شي جديد

وعندي إقتراح يا سيد مازن طراح موضوع شيل النتدى للتصويت وخلي النتيجة تقرر
وين روح الشباب ياشباب وروح العمل الشابي

[ندعوك للتسجيل في المنتدى أو التعريف بنفسك لمعاينة هذه الصورة]

اخ عمر اذا بدك ياني أحكي بصراحة
أكتر الشي اللي متعبنا هو عدم التعاون من الكلية
حط حالك محلنا نحنا المراسلات
اذا رحنا عالكلية مشان نجيب بس برنامج فحص لازم نترجى مية واحد لحتى يعطينا هالورقة العظيمة
اذا نزل اعلان بالكلية ومهم لكل الطلاب مو المفروض يكون في شوية تعاون ويبسطونا الأمور
نحنا منعرف أنو المنتدى لحد الان مو رسمي
بس هالشي ما بيلغي دورنا ولا دور كل طالب اللي بيساعدو موقعو بالكلية أنو يتعاون معنا على أمل الاستمرار
بس أول كلمة عمنتلقاها هي روحو سكرو هالمنتدى مين سائل عليكن وعليه
ولاحدا شايفكن
بعد كل هالعذاب أنت شو رح يكون موقفك
أنا ما بدي أحكي عالنشاط الطلابي الموجود داخل المنتدى
لأنو كل فترة الها ظروفها
بس بنفس الوقت كمان وقت الطالب اللي بيسجل بمنتدى لكليتو وبيعرف أنو بأي وقت رح يدخل فيه عالمنتدى رح يلاقي اي اعلان نزل بالكلية عبينزل مباشرة على منتاداه
هالشي رح يحفزو ورح يدفع معو كتير طلاب ليسجلو ويشاركو

أنا لا تقولولي عبطلب شي مستحيل
نحنا بدنا بس شوية تعاون ورح تلاقو المنتدى موفر كل الراحة لطلابو
أما بهالوضع مارح نقدر نفيد نفسنا لحتى نفيد غيرنا
نحنا عملنا كل شي منقدر عليه
بس المفروض نحنا عملنا كمراسلات بكرة أول ما بتنزل المواد لازم ينعطى خبر للطلاب بهالشي أولا
وبعدين تنزل المادة عالموقع بعد كم ساعة فقط من نزولها بالكلية

نحنا جاهزين نقدم أي شي بس بدنا مساعدة من الهيئة

سلام كفت ووفت بشررررررررح
بضيف لكلامااااااا
روح شباب هي خلنتنا نتركوا لهلا
قال شي زاد عن حدو انقلب ضدووو
يعني انت بتعرف منيح أنا ما بحب روح وتعا وجيب ولا تجب وخرج وما خرج
أنا مالي متعود على هلأاسلوب
يعني متعامل مع ناس اكبر من العميد بكتير وما حدا صدني
هدا سبب رئيسي
مصطفى
عكلن بس شوفك منحكي؟؟؟؟؟؟؟؟؟؟

قال كونفوشيوس حكيم الصين العظيم :
بقيت أتذمر من عدم امتلاكي حذاء حتى رأيت رجلا بلا قدمين

اشبا الكلية والله العظيم غير شكل
والله العظيم أنا ضد النقلة وبتمنى يخلونا فيها
لأنو تعودنا عليها وصار ألنا فيها ذكريات حلوة صعب نقدر ننساها
صحي هي صغيرة
ولكن في كل قاعة النا ذكرى
جنب كل عامود في الكلية إلنا ذكرى

بعدين شو تسكروا المنتدى ما تسكروا ؟
وين بروح بحالي أنا ؟

والله أنا حبيتكن وتعودت عليكن

والله يا شاعر الليل هادا كاسر ضهرنا محبتنا للجميع ومحبة ناس فينا والحمد الله
يلي عبيمنعنا من ترك المنتدى

أي ما اختلفنا مين بدو يقرر

أي بس كل عمل أساس نجاحو هو التنظيم والتنسيق مع أطراف متعددة

بس نحنا صاير فينا كل مين ايدو ألو

يعني ما حكينا شي بس هيك الوضع كتير صعب ورح يضل صعب

وبالنهاية هاد منتداكم وأنتو أحرار

بس نحنا من واجبنا اذا عرفنا سبب التقصير لازم ننوه الو

والشي اللي ذكرناهه هو أكبر عامل بيتحكم بسير المنتدى

الأسباب كلى أنحكت يلي عبتوقف بوجنا
طبعا نحنا ما منريد نقفلوا بس أذا الواقع رح يفرض علينا نقفلو وما حدى تزحزح رح نقفلووو
واذا صار مستجدات رح نزلااااااا
والموضوع رح أقفلوا أكتفوا بلقراة يلي أنذكر هادا كلشي

زميلة سلام أنا معك وشايف أدي عبتعانو منشان المنتدى بس هالصعوبات لازم ماتوقفكن واللي عنا بالكلية ()
مو مهتمين للطلاب ولا لحدا لهسبب ما عم يتعاونو
بس انشا الله أنا بوعدك ساعد قد ما بقدر وانشاالله خير بس بدنا شوية حماس ومححلولة
وعن جد الله يعطيكن العافية يعني تعبانين وماحدا مقدر

شباب هاد مو حكي
المنتدى كتير حلو وانا ضدد هالشي وانا هلق بعرض عليكن مساعدي بأي شي بدكن ياي ومنشان الكلية إي ولله بستحي حط صورتا بالموبايل

شباب هاد مو حكي
المنتدى كتير حلو وانا ضدد هالشي وانا هلق بعرض عليكن مساعدي بأي شي بدكن ياي ومنشان الكلية إي ولله بستحي حط صورتا بالموبايل

يا زملاء :
انا كنت عبتابع هالموضوع بصمت وهلأ قررت الكلام 00
والله العظيم لازم تحمدوا ربكم وتشكروه انو فتحوا كليات عندنا هون بادلب
انا درست بحلب 00وعانيت جدآ فاسمعوا :
اذا كان عندك محاضرة الساعة 8 صباحآ مهناها لازم تطلع من ادلب 6.30 الصبح يعني بدك تفيق الساعة 5 الصبح
مطر 00تلج 00عواصف 00زلازل 00قرود00بدك تسافر وخاصة اذا في حلقة بحث
واذا خلصوا محاضراتك الساعة 4 مساء 00بدك تنزل على الكراج وتلاقي محل بالباص وتطلع مو اقل من الساعة 5.30
بتوصل 6.30 على ادلب واذا كنت من سكان المدينة بتوصل بيتك الساعة 7 المس
يعني عمليآ قضيت برا البيت 13 ساعة يعني اكتر من نصف نهار 00ماعدا انو جيت على البيت تعبان جوعان عايف حالك
بينما انت بادلب بتفيق الساعة 7 الصبح وبتشرب قهوة وبتتمشى على الكلية وبتحجز محل وبتحضر محاضرة الساعة 8 بكل رياحة
بجوز حدا يقول : بسكن بالمدينة الجامعية00
المدينة الجامعية وآخ منا ( اسألوا مجرب )
لا نظافة ولا هدوء وشي بيقرف وبعملية حسابية بسيطة على مستوى مبنى واحد اسمعوا ما يلي :
كل وحدة سكنية فيها 6 طوابق 00كل طابق فيه جناحين 00كل جناح فيه 20 غرفة كل غرفة 3 طلاب على الاقل
يعني بالجناح الواحد في 60 طالب على الأقل 00هادا اللي بايعا 00هادا طالب معهد ماعندو دراسة000الخ
بتكون قاعد ما بتسمع الا واحد فتح الباب وصاح : راكب ترييييكس ياشبااااااااااااااب
دورات المياه 00يا لطيف ويا ستار
شو بدي احكي لاحكي000احمدوا ربكم واشكروه
وحـــــــــــــــــــــــــــــــــــــاااااااااج بقى

أخ عمر شكرا الك وللعبسي
ايبرابس انسيت شغلة السكن
اذا طلعلك سكن بالمدينة بدك واسطة واذا ما طلعلك كمان بدك واسطة
اذا طلعلك بدك واسطة مشان تسجل والا رح تضل شهر رايح جاي بعز أيام الشوب
وكل ما وصل دورك لعند الشباك بيقولولك(خلص الدوام تعال بكرا)
وين بدك تروح بحالك يا حباب
اذا كنت من ادلب او حماة او اي منطقة قريبة نص مصيبة
بس اذا كنت من الشام من درعا أو ....
هون المصيبة
واذا ما طلعلك تعال اعمل مية واسطة وبوس الايدين لحتى يعطوك بلاطة بهالقصر العظيم
وأول فترة بتدخل على أسأس أنو أنتو 3 (مفرفدين)
بعد ما يأمنو عليك شي أسبوعين بيدخل لعندك المشرف أو المشرفة مع ابتسامة عريضة (جبنالكن واحد رابع لتتسلوا أكتر)
أنتو خلقة ربكن بتكونوا فوق بعضكن معناها الرابع محلو عالشباك أو بالبراد
هاي عدا عن الصراصير اللي بتزورك وما بتفارقك حتى بنومتك

والله حكيك يا إيبرا مزبوط تقول كنت عايش معنا
أنا درست سنة بالشام قبل ما اجي على ادلب الله يجعلها سنة متل ما قلت المدينة الجامعية لا نضافة ولا هدوء ونشح ووسخ
وريحة بتقرف وما بعرف كم واحد بيحطو بل غرفة هذا كلو كوم وإذا اجا حظك مع طلاب كراد كوم تاني
والله العظيم أنا اجا حظي مع أربع شباب كراد وأنا الخامس بقى تصور خمسة بالغرفة وأربعة منن كراد وواحد عربي وفهمك كفاية
الله وكيلك ما حسنت كمل معهن شهر ونص حتى طلعت روحي
هذا عدا الضيوف يلي ما بيقطعونا على مدى 24 ساعة
وقولتك كمان راكب تريكس يا شباب وخود على لعب شدة بقى لوقت الدوام
وكلو كوم ولا يجيهن الطرب كوم تاني وعينك ماتشوف بقى واحد بدو يسمع أم كلتوم قول هذا بتحسن تتفاهم معو شوي يعني أم كلتوم بليل تمام أما التاني موجاي عبالوا يسمع أم كلتوم بدو نجوى كرم والتاني موجاي عبالوا يسمع نجوى بدو يسمع لكاظم قو ل كلو مبلوع بس ما يقوم هداك الرابع هذا ما بيجي عبالوا يسمع غير فهد بلان الدنيا الصبح....... الضهر ........ بليل ........قز القرط . .......... ماعندو بدو يسمع فهد بلان وكلو بيشغل سوا وتحمل بقى إذا بتتحمل
تقوم الصبح مانك نايم ولا ساعة بتروح عجامعة وعليك كل عين قد حبة البندورة بتحط راسك وتنام بهل مدرج بيقوم بيشوفك الدكتور بيكدك برات المحاضرة وعل هدا ومتلو ...........

بقى حمدوالله يلي عملولنا جامعات هون

قال ما بتعرف خيرو لتجرب غيرو

اسألوا مجرب ولا تسألوا حكيم
ولا بقى تحكوا عجا معتكن والله العظيم غير شكل

[ندعوك للتسجيل في المنتدى أو التعريف بنفسك لمعاينة هذه الصورة] شاعر الليل والله حكياتك ما في أحلى من هيك
أنت وايبرا

بدونكن المنتدى مالو نكهة

شكرا سلام

هذا من زوقك

وين الصور
ما شالله على النشاط
ما شاطرين غير بالحكي

مو لحتى أخلص من فوستوس ومن أنتوني وكليوباترا [ندعوك للتسجيل في المنتدى أو التعريف بنفسك لمعاينة هذه الصورة]

ايبرا كنت حكي من زمان حتى يقدرو هالنعمة اللي هني فيها
كلامك درر

زميلة سلام بعدنا ماعملنا شي بس انشا الله مارح تعتازوا حدا من الموظفين

عراسي يا مصطفى الورررررد
نحنا شو بدنا غير نجيب السمعة الطيبة ألنا كشلة وحدة الهيئة وجماعة المنتدى
وما نختلف من شان ما انشمت فينا حدا

ماحدا بيطلعلو بيناتنا له يا مازن بعدين وبصراحة أنا حبيت هالمنتدى اللي فعلا مميز وتعودت على كل شخص في وصار جزء من نشاطي اليومي حتى بوقت الفحص

والله يا جماعة الخير متل ما قال ايبرا
اشكرو ربكم على هالنعمة غيرنا عم عم يحلم بالجامعةحلم
صحيح عم ندرس وندرس متل؟؟؟؟؟؟؟؟؟؟؟؟؟
والحمد لله ما عم ننجح بس على فكرة جو كليتنا كتير حلو
يعني انا رحت على غير كليات
بس مبن حلو بس ك طلاب والله مافي حدا لحدا

الحمد لله منشكرو على كل نعمة
بعدين والله حلو المنتدى بس هلأ صاير
بيملل شوي لأنو مشغولين وعنا دراسة
[ندعوك للتسجيل في المنتدى أو التعريف بنفسك لمعاينة هذه الصورة]

عمر انت اول شخص بالكلية بيقول هالحكي ...لسا كل ما قلنا لحدا عالمنتدى بيتمسخر ...اهلا وسهلا فيك بمنتداك

شكرا زميلة هلا
بس لازم يكون في إعلان أكبر عن المنتدى
ولهيك لازم نتعاون كلنا أعضاء ومشرفين ومراسلين و حتى نضمن كمان استمرارية المنتدى

زميل عمر اذا مشان الاعلان منعملكن اعلان من عند مكتبة البيان لباب الكلية
أنا طلبي واحد اذا بتقدرو تساعدونا فيه أنا بضمنلكن أنو يمشي المنتدى مثل الساعة

طبعا منا موافقة عليه
وتعوا حلوا مع روتين
وكل واحد بطلع برفيقو بقلوا انت

والله عبحاول كل جهدي مشان الموافقة بس إنتي قلتا روتين
وهلأ ماحدا فاضي بحلب
في تشكيلات جديدة وكلو عم يستنى

بس تخلص هالزيطةانشاالله محلولة
بس موضوع الإعلانات جدا مهم
مازن خليني شوفك ومنحكي بدي منك شوية معلومات
بس شفتلكن ياجماعة ما حك جلدك مثل ظفرك ونحنا لازم هيك نساوي

بتعرفو شو شايف اذا بتنحل قضية الشرق الاوسط يمكن يصير هاد المنتدى رسمي
[ندعوك للتسجيل في المنتدى أو التعريف بنفسك لمعاينة هذه الصورة]

» قصة رائعة (أرجو الاطلاع )
» أرجو الاطلاع والرد
» البرنامج هااااام يرجى الاطلاع
» هااام جداااا((مـــاذا تفعل الشياطين وقــت المغرب)))!!
» أدخل واكتشف معاني الماركات والعبارات التي تكتب على ملابسنا**هااام جدا