شوية ضحك

طنطات عملوا مظاهره ضد الحرب على العراق وحملوا لافته مكتوب عليها بوش يا الله منك عن جد بلا بياخه

واحد ماشي ورا وحدة ،، قام قلها: الحلوه وراها مشوار؟
قالتلو لاء الحلوه وراها حمار

مرة واحد من كتر ما خسر بالبورصه مرض و راح لعند الدكتور
الدكتور و هو عم يفحصو قلو ياالهي ضغطك صار 70
فقلو المريض : بيع بيع بيع


واحد اجدب قاعد عم يلعب شده مع الحمار فمرق صاحبو و قلو هلاء بربك ما لقيت تلعب غير مع الحمار؟؟
فرد عليه و قلو هدا الحمار اللي مانو عاجبك صار مخسرني 3 مرات!!!


حمصي اشترى ستلايت ( دش ) بسرقة اهلو و قلهن ما حدا يطلع عالسطح لاني اشتريت كلب كبير و شرس كتير ها ديرو بالكن
فطلع واحد من اخواتو بغيابه مشان يسكتشف الوضع فنزل من السطح وهو عم يركض ويرجف
سألوه اهلو : شفتو للكلب ؟؟
قلهن :لأ بس شفت الصحن اللي بياكل فيه


واحد عصبي كتيـــــــــــــر عم يقول لمرتو بدي خبرك قصة غريبة صارت معي اليوم و ما رح تصديقها من كتر مانا غريبة ... و راح تقولي عني كذاب بس انا ماني كذاب ... انتي اللي الكذابة و ستين كذابة يا وقحة يللي ما بتستحي ... لك تفو على هديك الساعة اللي اتجوزتك فيها ... لك روحي و انتي طالق طالق طالق


سألو محشش شو الطير الي بيبدأ اسمو بحرف الكاف ؟؟
قلهن كنتاكي