تهنئة لجميع الطلاب

نرجو وضع ارائكم بالاسئلة واعطاء رايكم بنظام الامتحان في كلية الاداب بادلب
بالنسبة الي كتير عجبني النظام باعتباري جديد بالكلية وحسيت فيها نظام اكثر من الجامعات الرئيسية بالنسبة للاسئلة كتير سهلة وعم يقولو بواحد الشهر رح ينزلو العلامات
الله العليم [ندعوك للتسجيل في المنتدى أو التعريف بنفسك لمعاينة هذه الصورة]

الشي الأول:بالنسبة لنظام الأسئلة أنا بقدر قول أنو أكتر المواد اللي قدمناها كانت غامضة
يعني بالمعنى الأقرب (سهل ممتنع)
بتقرأ السؤال وما بتعرف الدكتور شو بدو
أما الشي التاني اللي هو الجلطة الكبيرة اللي تعرضنالها الفصل هو
اللي عبيكتبوا المحاضرات الله يكتر خيرن
هاد اللي قطع علينا المحاضرات قبل المادة ب5 أيام وما في كتب حتى الواحد يقدر يعتمد عليهن
وهاد اللي منقص من المحاضرات 2أو 3دروس
وبتقوم بتجي عالمادة وبيجيك سؤال عليه 25 علامة
او 5 أسئلة من دروس مو موجودة بالأصل
يعني لا في كتب ولا في حدا بيعرف يكتب محاضرة
وفوق هالشي أسئلة غامضة وبيقولولك (فهمك كفاية)
وبالنسبة للعلامات هني قالوا لبعد انتهاء تقدبم جميع الطلاب رح يبدأ تنزيل العلامات
بس اذا ما نزلوا أحسن
وانشالله بالتوفيق

و الله بالنسبة إلي أنا شفت أنو الأسئلة سهلة طبعا لا يخلو الأمر من بعض المصادفات يعني مثلا مادة الاستيعاب عنا 9 محاضرات درستن متل اسمي ما يجي منن غير كلمة واحد بسؤال المرادفات و انا بعرف الجواب الصحيح و لكن كتبت متل مو مكتوب بالمحاضرة فإذا بيطلع الجواب غلط بس الحمد لله النص كان سهل و حلينا مليح , يعني بشكل عام الاسئلة أسهل من السنة الماضية بكتير , بس العلامات تأخرو شوي , بتمنا التوفيق للجميع .

بس نحنا والحمد لله كانت الاسئلة صعبة وسهلة بنفس الوقت متل قالت الاخت الكريمة سلام سهل وممتنع
وغايتها اختبار ذكاء الطالب بالدرجة الاولى
بس الكارثة الكبيرة لألنا هالسنة هني يلي عم يكتبوا المحاضرات يعني اجانا سؤال بمادة الشعر عليه
25 علامة وحلينا متل مو مكتوب بالمحاضرة بالضبط وبعدين منتفاجأ انو الدكتور طالب شي تاني ويلي عم يكتب المحاضرات كتر الله خيره مو منزلهن بالمحاضرة وطارت ال25 علامة وهي المادة الوحيدة يلي بدنا نطالعها بمعدل
بس بنصح كل الطلاب انو يحضروا ويكتبوا بأيدهن واعتباراً من الفصل الثاني رح نتبع هالاسلوب بالتعاون مع الزملاء
انشاء الله
مع تحـــــــــــــــــــــياتي للجــــــــــــــــــميع

هاااي بالنسبة للامتحان كان سهل بس سؤال الدكتور غير واضح يعني أثناء الامتحان يدخل الدكتور القاعة ويسأل هل الطلاب حدي عندو سؤال وطبعا بيكون جوابه "Idonot no"
لكا مين بيعرف وليش عم يسال الطلاب على كل حال أنا بأيد رأي الرفيقات انو نعتمد عحلنا بكتابة المحاضرات وبالتوفيق للجميع

شكراً على مرورك اختي الكريمة
على فكرة نصف الطلاب صار فيهن هيك متلنا
اهلا وسهلا فيكي بمنتداكي

والله بنسنة لنظام اسئلة كويس
بس صرت اشتهي خلص فحص بقا متل كل هطلاب
بس لعملومات هاي نماذج دكاترة وين ماراحو بحلب بشام بادلب ما حدا بحقلوا يدخل فيا لاجامعة ولا غيرا.

على كل حال موفقين بالنتائج يا شباب

أنا برأي الأسئلة هاي السنة بتدل بلدرجة الأولى عن ضعف مستوى جميع اللي عبيدرسووقلت خبرة بكليتنا لأنو صحي بلجامعات التانية المنهاج أضخم وأشمل بس بتعرف أش بدك تدرس وكيف بتنجح بس عنا بجامعتنا المكاتب ضايعة واللي عبيدرسونا المعيدين ضايعن وحتى نحنى الطلاب ضعنا

والله معك حق ا اخ ايهم أغلب المواد ما عمنعرف شو فيا ولا شو بدو يندرس فيا الواح
ولا شو داخل معناااااااااا