مصطلحات جسرية

[b]مصطلحات جسرية :


حبيت ابدا أول مشاركاتي بالمنتدى بفكرة صغيرة بتمنى إنها تكون حلوة و هي إنا
نجمع شوية مصطلحات بنتداولها ببلدنا و أنا رح ابدا بشوية مصطلحات جسرية (من جسر الشغور)

المصطلح الترجمة

سكمان : شخص قادم من الريف
شلخوا شنتيانة جاب كيفو : ضربه بنوع من أنواع السلاح الأبيض و قضى عليه
أشو خاي حكيت اليوم مع الحب؟: هل تكلمت مع حبيبتك أو(صاحبتك) ؟
والله يا خاي شفت الحب تحت السيباط : أي رأيت حبيبتي في أحد الأحياء القديمة التي تكون فارغة صباحاً
شوال : وتلفظ الشين(ch) وتعني الشخص الذي لا يفقه شيئاً (الغشيم)
قرد: أداة تعجب
همشور: شخص شجاع من الطراز القديم(أبضاي)
شكة المكنسيان: المنطقة الصناعية
الحاووظ: خزان المياه الرئيسي في جسر الشغور
حاااااااااج ولووووووووو: كفاك كذباً



بتمنى إنو هالموضوع يعجبكون و لا تنسونا من المصطلحات اللي بتتعاملوا فيها ببلدكن

ههههههههههههههه
حلو هالموضوع عنجد ..

بأنتظار المصطلحات الأمارتية

رح الكون كم وحدي وما يقابلها بالادلبي ..
شحالج..كيفك لخيت
خلي يولي : تركو يشيع ويهب بلكي يلب
اندوك :للشب اي خود
اندوج : للبنت اي خدي
ياويلـــي : ياياب عيني .. [ندعوك للتسجيل في المنتدى أو التعريف بنفسك لمعاينة هذه الصورة]
فديتك :خليلي عينك وهي تستخدم لما حدن بدو يطلب شي ..للمصلحة يعني
ياحليله : ياشحارو ونيلو
بعطيك طراج: بدي اسلخك كف ..
سوي تشيك اب ..هي اماراتية متطورة ..اي افحصه
سوي طاف : حــل عنا ياا او طنشو
حبه على راسه : باسو من راسو
طقها :اي ضربها
يهاوش : يخانئ
فالج طيب .: يعني تكرم ..شلفو عالكرم . [ندعوك للتسجيل في المنتدى أو التعريف بنفسك لمعاينة هذه الصورة] .

خخخخخخخخخخخخخخ
حلواااااااااااااااات

اليكم بعض المصطلحات الحلبية
> >عمنوّل ..... العام الماضي
> >- أول عمنوّل ...... العام قبل الماضي
> >- قرم ...... عتيق و كبير بالعمر
> >- سْيْوِي ....... دغري
> >- ضنضرما ....... بوظة
> >- برّاكة ...... كشك - كولابا
> >- ونّاسة ..... نوّاسة
> >- ترانشكوت ........ مانطو (جاكيت
> >- فستوكة .... يقال عن بنت أنها فستوكة أي أنها لا تزال صغيرة
> >- سقسوقة .... سندويشة جبنة
> >- بتاتة .... بطاطا
> >- مقرمد ...... يقال عن الشيء اللي ملزق ويبسان عليه وسخ
> >- طنفسة ..... سداجة .. والمثل الشهير : متل طنفسة النديانة
> >شرح المثل : يقال عن الشخص المنيل عديم المروة ويتم تشبيهه بالسداجة
> >عندما تنغسل بالمي تصبح ثقيلة جداً .
> >-
>معنطز.... شايف حالو
> >- بشقة.... يعني شغلة كبيرة عظيمة
> >- سهسكة.... الضحك بصوت عالي
> >- بركي..... لعل
> >- معلاق
>...... تقال للشخص الغليظ
> >- طلع راس بعب ...... تقال اذا كانت الشغلة على القد تمام
> >- عالهس النس ....... يقال عن الشخص التحتاني (يعني اللي من تحت لتحت)
> >- عرقية ........ القبعة التي توضع على الرأس أثناء الصلاة
> >- طشم ..... بهيم
> >- مفجلق ....... قليل الحياء
> >- مشفتر ..... يعني قليل الأدب
> >- طابوية ...... سدادة القناني
> >- برطوش ...... حرف او حد ويكون مرتفع قليلا عن الارض
> >- مشطوط ..... مجلوق = اخذ وش = يتدخل في ما لا يعنيه بأريحية
> >- سفط ...... علبة
> >- جاتين ...... صعب أو مستحيل ( من أصل تركي)
> >-ما في جارة.........لا أمل (من أصل فارسي)
> >- مجقة ....... قبلة
> >-جمجاية........مغرفة (من أصل فارسي)
> >-باقي أسماء الإشارة وأكيد بتعرفوها
> >طبعاًَ الجيم أميَّل للشين عندما تأتي

مصطلحات ديرية

دربونة = شارع ضيق متفرع من دربة (حارة)

مساليق = رجلين

كماية (تشديد الميم) = احد عناصر اكلة الروس

جمجة = اداة لغرف الطعام

بوجطة = الخوض في الماء

مدوحس = اصبع ملتهب غالبا يكون في الرجل

مصطم = مسكر مخو

منيحر = السباحة في النهر عكس التيار

ردة = منطقة من النهر يكون جريان الماء فيها قليلا

التسييس = السباحة في النهر مع التيار بمساعدة
الجراب (دولاب سباحة)

واوي = كلب

نوكرة = حفرة

قشوة = الطبقة الدهنية فوق الحليب

طيب و ناهي = نوع من الحلو

كراديس = قطع اللحم الكبير و مفردها كردوسة

ناعور = مفرد نواعير

مسعد = محظوظ

مجعلك = مخربط او الثوب الغير مكوي

مصيف = مهبول

طابة = كرة قدم

دوسبا = ضربة جزاء [ندعوك للتسجيل في المنتدى أو التعريف بنفسك لمعاينة هذه الصورة]

مستراح = لعبة شعبية للفتيات الصغار

بسمار بولاد = مسمار

مزملة = وعاء من الفخار لحفظ الماء

المربعانية = فترة من السنة تكون فيها الحرارة شديدة في الصيف و نفس الاسم يطلق على فترة من الشتاء تكون فيها البرودة شديدة. تقدر هذه الفترة ب 40 يوما

دجة = رصيف

حتينة = أيضا

الريمونت = جهاز التحكم عن بعد

العينتين = حبيبة القلب أو لفظ للغائب

سروة بقوع = الخروج في الصباح الباكر

دوكيكة = لعبة شعبية

دكيتوك = كمشتوك = استطعت ان امسك بك

طرومبة = ماكينة لضخ الماء

مطبة = تطلق على الشخص الضعيف

مشتل = حديقة عامة

قاع = أرض زراعية

ساقية أو ساجية = جدول متفرع من النهر يستخدم للزراعة

كليجة = معجنات تصنع في العيد

فشج = ذخيرة للبندقية

هاي شكون يا الله = لفظ للتعجب

البرية = المقبرة او المكان الخالي من السكان

مطقتوه = فعل حركي للأكل او الضرب

السقلق = لعبة شعبية من 5 حصوات و احدى مراحلها جامل و (لحس و طابش)

بيظنجان = باذنجان

سيالي = خبز تنور + حليب + سمنة او زبدة عربية

بكجي = حارس [ندعوك للتسجيل في المنتدى أو التعريف بنفسك لمعاينة هذه الصورة]

نوبجي = مناوب [ندعوك للتسجيل في المنتدى أو التعريف بنفسك لمعاينة هذه الصورة]

جديد نيف = خلنج = لساتو بعلبتو = شيئ جديد لم يستعمل

صنة = رائحة كريهة [ندعوك للتسجيل في المنتدى أو التعريف بنفسك لمعاينة هذه الصورة]

تونباك = التبغ الذي يستخدم في سجائر اللف

سلبة = شخص يكذب كثيرا

شااااامية

· شرنه


(إنظر الشرح في تفسير مصطلح شاضومه )





· ملحو على ديلو


يعني لا يقيم وزناً للعشرة والخبز والملح


· يلي بالي بالك


كناية عن أمر يتعذر ذكره


· معصمص


نحيل بارز العظام صغيرها


· يا إيدكم!


تعبير عن الهرب من شيء ما بسرعة


· زمق


أي هرب ببراعة وحذق، وزمط شرحو


· سرّي مرّي


أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)


· حط بالخرج


أي لا تعبأ بما يقال


· على قفا مين يشيل


كناية عن كثرة الشيء وشيوعه و(قابر القنى) مثلها


· مأنّف


يعني لا يعجبه العجب ولا الصيام برجب


· فش نيعو


يعني انتقم منه شر انتقام وهي بالحلبي: يفشر حنكو


· أزّت نفسو


أي نفر من الشيء نفوراً كأنه رأى صرصوراً


· جفص


صفة للجلف غليظ الروح


· حنتر


أي "تيّس" و"بوزم" في الوقت نفسه


· طلع من عيونو عامص


يعني دفع ثمناً غالياً وندم على ما نالتحديث لمفردات القاموس الشامي ومع أنه بسيط إلا أننا أضفنا في شهر أكثر مما يضيفه "المورد" في سنة



· كل طلقة براحة


أي يقوم بالشيء رويداً رويداً بين الفينة والأخرى


· يلي بدو يموت يوصّيك بولادو


ذم بصيغة المدح يعني أن المذكور غير أهل لحمل المسؤولية


· على كراريت حلقو


يعني مصاب بغثيان شديد وإقياء لا يستطيع كبحه لا بحلال ولا بحرام





· لا تكرّك عليه


يعني لا تلح عليه إصراراً


· قلبه عميقول حق بق (كما قلنا أن القاف تقرأ ء)


يعني أنه يريد أمراً بشدّة لكنه يضمره إضماراً ولا يظهره إظهاراً ( مشان ما يزعل سيبويه)


· لحم السير عالقبقاب وصاروا المبغضين صحاب


مبينه وما بدها شرح


· يلي بيجي منمدلّه فرشة ويلي ما بيجي منرتاح من وشه


مثل نسائي بحت يفيد عدم الترحيب بأشخاص معينين ما عم يجوا أصلاً


· شو هالتجرة


يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح (كمان مشان سيبويه الله يرحموا)


· وحياة خالقك ماني مفارقك


تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك


· العين الطرّاءة


عبارة عن التمسخر على المتكلم عنه وأن لا شيء فيه بينحسد عليه


· بيقطش وبيلحش


يعني المهذار كثير الهفوات ومن يهرف بما لا يعرف ولسانه يسبق عقله


· ولي على كسرتو


تعبير يفيد التحسّر على شخص ما مع لومه على ما فعل (في تناقض، مهيك؟)


· كـــــــن


بكسر الكاف وتسكين النون يعني اهدأ أحسنلك


· كروج


يعني درمل، وبتعبير أفصح افرنقع من هنا، وادحال مثلها


· فــز


كمان بكسر الفاء يعني قوم (أوقف وانت بتكلمني)


· جماش


أي همجٌ رعاع مستجحشون


· مصطهج


يعني مسلطن، مكيّف، مبسوط أو كما قال سيبويه: منتشي


· أفّّعت معو


يعني حمل القشة التي قصمت ظهر البعير وبلغ السيل الذبى


· مو نفعان لا للخل ولا للخردل


يعني بلا فائدة تذكر، وأحياناً بقولو من نافع لألله بنافعة


· لاطيلو


يعني كمن له منتظراً ومنها المتل القائل: "قلّو لاطيلك قلّو صاحيلك" يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو


· ادفشو وشوف ما أجحشو


يعني بالإنكليزي: Fools rush in where angels fear to tread


· ما فيه الوتكة


يعني صاغ سليم خالي من العيوب وأحياناً يعني فاضي


· ما معو نكله


مفلّس وحالو عدم


· أول باشتان.....ثاني باشتان


طريقة النسوان في تعداد الأمور والأوامر والأسباب والمسببات


· بظّت عيونو


يعني جحظت العينان حتى كادت المقلتان تخرجان من محجريهما (على طريقة الجاحظ)


· سك


حقيبة تقليدية تصنع من قماش (مستعمل عادة) تستعمل للتسوق وخصوصاً من سوق الجمعة


· نازل عالمدينة (أو رايح عالشام)


يعني رايح عالسوق التحتاني، i.e. going downtown


· خسكار


كمية من العمل المقرر ليوم واحد أو بضاعة معدّة للبيع ضمن اليوم


· من دهنو سئّيلو


تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش


· ما صرلو بالأصر إلا مبارح العصر


يعني أنه جديد على أمر ما وغرّ فيه وأحياناً تكون إشارة للنفاريش أي باللاتينية nouveau riche


· ولاد آدو


يعني المشكلجية والعونطجية وولادين الحرام (يالطيف الله يبعدون عنا وعنكن أولو آمين)


· سبرتاكو


القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)


· قراضة


يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)


· متمسح


يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)


· كل ما حدو بيت السلطان خيلهن بتمد الخنفسة رجلها


مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين


· اندفس


أي: نام أحسنلك، انقبر


· تكورت


متل تدولق، فعل يفيد تناول الطعام، وتزهرم مثله أيضاً


· من بيت شقاع لبيت رقاع (وهي تقرأ كالعادة: من بيت شآع لبيت رآع)


تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة


· عم يحاسب القاضي


أي يقوم بقضاء حاجته في بيت الخلاء


· آرعو ونادبو وشــ*شــ*ي وأبو مخطة


أي سوقة القوم والرعاع


· يلي ببالك منو


كناية عن أمر يتعذّر ذكره لأسباب عديدة


· انطمز


أي انزعج وبوزم وقلب خلقتو وما عاد يتحاكا


· مطهمز


أي مطأطأ أو مطأطئ الرأس


· طمبرو (جديد جداً )


أي خورفو وهي بالمعنى الحرفي ركبلو طمبر وفهمكم كفاية


· شامم ريحه كرهه


تطلق على المتكبر يلي رافع مخاره وقالب وجهه


· آكل كم بحالو


انظر تفسير شامم ريحه كرهه


· خود منّي


إنهاء للنقاش ودعوة الطرف الآخر للثقة بما يقول المتكلم دون نقاش.


· دواليب الجنة


مصطلح جديد للفلافل ومحاولة لرفع شأن هذه الأكلة الشعبية


· عليّي ما عليّي


قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض عنها بهذه العبارة.


· سم الكرّاتي


تقال عندما يكثر الطرف الآخر من الأكل.


· فجعان


أي الحالوش أو الشره


· مكلولك


أي اللألوء الذي يحب تمسيح الجوخ.


· كعي في


يعني كثير ألح وأصر عليه ولكن الطرف الآخر يرفض

مصطلحات أمي وجاراتنا :
ولاااك 000 أداة نداء
تعا اتضربن 000 تعا ع الغدا
روح اندفس 0000 روح نام
لأ يا شياع لأ 0000 أداة تعجب
انشا الله ما بتفيء 000 الدعاء بالموت
وفشكة 0000 دعاء
بدي اعملكن سميمة 000 بدي اطبخلكن

هي كلمات بس عن طريق المزح 000 تحية لكل امهات سورية
(( أقبل رجليك يا امي 00 لأن بتقبيلهما أقبل الجنة ))

يالله يلي عندو حكي ما يخجل
أخررررر أيامك يا مسخررررررررررررررررة

أي والله روح الله يقويك