النحس و قلة الاحترام

موضوع: النحس و قلة الاحترام 15/03/10, 04:49 am

قصتي طويلة شوي بس أنتو بتقولو أنكون عملتو المنتدى مشان نحل المشاكل اللي عم (نعانيها)

صاحبكون المنحوس (thunderstorm)النحس راكبو من يوم مفاضلة الموازي
يوم الرحت بدي فاضل و أنا مبسوط لأني كان طالعلي على المفاضلة العامة فرع بالتربية اسمو (المناهج و تقنيات التعليم)اللي ما بيسوى (فرنك مقدوح)
قعدت على الكرسي و قلت للاستاذ (المحترم)اللي كان قاعد على الكومبيوتر
سجّلي أدب أنكليزي ب(تشرين _ حلب_ طرطوس _ حمص _ ادلب)على الترتيب
و بعد دقيقة بس قلي روح جيب الورقة من الطابعة من دون ما يقلي تأكد من الرغبات و إذ بتفاجئ أنو الرغبات محطوطة على الشكل التالي:
أدب انكليزي (ادلب_حمص _طرطوس_حلب_اللاذقية)وبهاللحظة كان في براسي عقل و طااار
وبلشت صيّح و عيّط
المهم إجا الحرس الجامعي و طلعوني بالكلمة الحلوة و بالكف الحنون
و جينا على ادلب : دخلت من باب الكلية و الدنيا سوداااااااا قدامي
لاقيت السيارات واقفة محل ما لازم يقعد الطلاب و الكلية أصغر من المدرسة اللي درست فيها بالابتدائي
وضلت الامور ماشية ليوم بيدخل حرس الجامعة بطريقة همجية عم يسألوا عن الطلاب اللي من الجسر
فتحوا الباب من دون (لا إحم ولا دستور)وصاروا يصيحو بالطلاب و بالمعلمة المسكينة مشان نقعد عاقلين و صرت قول لحالي (عادي بكونو عم يسألو عن شي مجرم هارب من و جه العدالة فلا تشيل هالقصة من أرضا)

راحت الأيام و إجا يوم الفحص بعد ما خلصت أول مادة نزلت عم شوف شو هي المادة الجاية و بأي يوم
و إذ بالحرس عم يقول (طلعو لبرة)و ضليت أنا (الله يصلحني) عم دوّر على موعد المادة الجاية قام صار الشب اللي كان واقف يقول (انزلوا يا بني آدم)أي بعبارة أخرى (يا حيوانات)
و هون صاحبكون عصّب شوي بس شو بيطلع بإيدو و قلت (يالله عادي)

هاد كلو عدا أنو الشباب ب الهيئة الادارية حطوا الطلاب متل ما بحبو مثلا أنا برنامج الشعبة الأولى ما بناسبني و عم داوم بالشعبة التانية إذا بتروح بتقلون انقلوني على الشعبة التانية بقولولك(وقع على الأسماء عميد الكلية و ما بصير تنقل)و مع العلم إني كنت بالفصل الأول بالشعبة التانية

بقى شو رأيكن بهالحكي اللي بخلي الواحد فينا يجن و يهستر

و دمــــــــــتم سالمين

موضوع: رد: النحس و قلة الاحترام 15/03/10, 01:23 pm

الله يهون علينا وعيليك ان مع العسر يسرا

» كيف تكسب نفسك الاحترام الذي تستحقه؟؟