طرق لتطبيق البنات في سوريا........

1- اشتري شي سيارة كووووووول (مشان البنت تحبك)

2- روح ساوي شعراتك فرزاتشي أو سبايكي...(مشان تصير كووووول)...

3-طلاع شي مشوار بالسيارة عالمالكي أو الشعلان...(مطرح مافي بنات )

4-حط أغاني أجنبية بصوت عالي (طبعا الشب بكون عم يهز راسو ومو فهمان شي
من الغنية ...)

5- بلش زت كلام للبنات (شو يا حلوة... شو هالطعجة يا نعجة... تمشي على رمشي
وتهدي على خدي.....موتور قلبي يللي هاويكي عطلان و انت الميكانيكي.....)ومن هالحكي ...

6- بعد 5 أو 6 أيام من المحاولات بتلقطلك شي وحدة و بتعطيك رقمها...

7- بتبلش تدقلها كل يوم وبتصير بتشرّج موبايلك من وراها شي 3 مرات
بالشهر...(طبعا كل الحكي بكون : والله أنا أول ما شفتك حبيتك... انتي أول وحدة
بحبها...أنا يللي بحبها ولا ممكن خونها ) وطبعا الشب بضل بيحكي شي ساعة و هيي ما عم بترد عليه غير ب 3 كلمات :
اي.....شكرا......باي

8- بعد شي شهر بتطلب منها أنك تشوفها وتطلعو مشوار وبتروح انت وياها على شي
كفتيريا محترمة(طبعا البنت بتجيب كل رفقاتها معها مشان يعطوها رأين بالشب أو مشان تقهرن )

9- بنهاية الموعد بيجيها اتصال عالموبايل من أبوها (يللا حبيبتي وينك لهلأ ومن
هالحكي...)

10- طبعا البنت بتصير بدها تروح...(وهون طبعا الشب بيطلب الفاتورة وبيصير بخبّيها عن القاعدين..على أساس أنو هوو الشب الشهم يللي ما بخليها تدفع ...بس
المسكين بياكل هوا وبيدفع عنها وعن رفقاتها وبحطللو شي 3-4 تالاف ...ومشان يبين أنو هوو مو سائل عن المصاري بيتركلو شي 250 ليرة بقشيش)

11- بيرجع عالبيت وبدقلها عالموبايل وبقلها (يا الله والله تمنيت أنو اليوم ما يخلص...لو بقدر وقف الوقت بس...يا الله كيف كان شكلك... والله كنتي مغطية عن الكل... والبنت بترد عليه ب 4 كلمات:
اي....شكرا....مو لهالدرجة يعني....باي)

12- بعد شي أسبوعين بتطلب منها انكن تطلعو مشوار تاني...لحالكن...(بعد ما تكون ترجّيتها شي ألف مرة حتى رضيت)

13- بتروح انت وياها عالسينما (بشروط طبعا: أنو ما تكونو بآخر صف..ولازم يكون بينك وبينها كرسي فاضي ..ولازم ما تطلّع فيها لأنو هيي بتحب تركز بالفلم..)

14- بعد الفلم بتطلع بتتمشّى انت وياها ... وبتمسكلها ايدها (بالصدفة شخص بشوفكن وبيصير يتزوّركن )
البنت بتزعل قال ليش الزلمة فكر تفكير مو منيح ....وبترجع على بيتها زعلانة...(أنو على أساس هيي كتير حساسة وكتير مهذّبة وأنو هالحركات ما بتحبها..شو مسكة ايد وهالحركات يللي بلاطعمة؟؟!!)

15- بعد 1500 مسد كول بترد عليك البنت وبتقللك: شو بدك؟؟!! عجبك أنو حدا فكرني صايعة.... وبالآخير بيطلع الحق عليك أنو ليش مسكت ايدها..

16- انت بتروح مشان تعتذرلها...(طبعا بتروح بتشتري أكبر و أتقل هدية :أواعي---ورود---بارفان---دب كبير )

17- بتاخدن منك ... بتبتسم...وبترجع الأمور متل ما كانت

18-بعد شهرين بتطلب منها انو تطلعو مشوار (لازم شهرين مشان تكون نسيت شو صار هداك اليوم ..مشان البنت كتيييييير حساسة...حرام !!)

19-بترضى تطلع معك (وبتقلك لا تفتحلي أو تجبلي سيرة السينما ..ولا تساوي حركات هيك هيك... ) طبعا الشب ما بيقدر يقول غير حاضر .

20-بتطلع انت وياها بالسيارة ... طبعا بتحط انت أغاني هادية وبتصير تتحطّم قدامها ... وبتبلش تحكي حكي حلو ..

22-بتروح البنت على بيتها والشب بضل بدقلها وهيي موبايلها مسكر......... وبضل
بلف وبدور جنب بيتها بالسيارة وهوو حاطط جورج وسوف وعم يدخن... وهيي لا حياة لمن تنادي

23- بعد 3 أشهر الشب بكون متحطم وبقرر أنو ينتحر وهيي بتكون لقت واحد تاني و وصارت تطلع معو ......... ونفس القصة

24-نهاية قصة حب..... و الوقت يمر و هات غيرها

ههههههههههههه
موضوع روعة
تم تثبيت
أحلى ليوووووووووووووون
بس مع احترامي لمووعك هادا شب طنط فقط
من لاول تلفون ما رديت باخد طرطيرة وبلاقي غيرا قصدي السيارة
الله وكيلك أكتر من الهم علقلب بس بدن حدا يعطين وج
أول شي بتقلوا حالن بعد ين تعا حلى نيطاطة وشطوطة قال عبتدلع
ههههههههه
أخخخخخخخخخ

تقبرني شو رجال أبن خالتي

شكرآ ابن خالتي 000خجلتني [ندعوك للتسجيل في المنتدى أو التعريف بنفسك لمعاينة هذه الصورة]



بس كيف بتعمل السبايكي 000علمني000 [ندعوك للتسجيل في المنتدى أو التعريف بنفسك لمعاينة هذه الصورة]

شو دخل لسبايكي أبن خالتي بطنط
انا شعري خلقة الله مشنك مو بايدي
ما بدا شي طبشت وكس عشعرك
وشوف نتنايج

شو هالشب هاد باينتو مهندس شوارع
مو شغلتو غير تطبيق البنات
[ندعوك للتسجيل في المنتدى أو التعريف بنفسك لمعاينة هذه الصورة]

يبدم هاشب عم بنضف الشوراع من كتر ما عم يشفط بالسيارة
على فكرة البنت ما بيعجبا غير الشي الرجولي والي ما عندو حركات ولدنةومياعة