مواصفات الرجل الخائن

موضوع: مواصفات الرجل الخائن 03/08/10, 08:55 am

1) موبايلو دايما عليه قفل والموضه الجديده موبايلين بقفل

2) كل ما تدقي عليه عنده بيطلعلك (مشغول)وسبحان الله
بالبيت موبايلو مابيرن ابدا وغالبا ليش لانو سايلنت

3) اذا نسى موبايلو وهو نازل ع الدكانه ولا ع الصيدليه
يرجع متل الصاروخ ليش من شان ياخدو

4) بيفهمك انو اكثر واحد في الدنيا يستعمل الاله الحاسبه
....بس هو في الواقع يا حبيبتي بيبعت مسجات

5) الفاتوره هي حلم انك تشوفيها لانو بياخذ الفاتوره من
شركة الاتصالات مو من البريد

6) ازا راح لينام بيقفل موبايلو مو مشان سواد عيونك لا
بس صاحبتو بتغار عليه يابعدي وما بدها يغازل غيرها

7) عنده ردود استباقيه ...... يعني اذا دق موبايلو بيقلك
لك هادا واحد وسخ مابدي رد عليه بدوووووون ما تساليه مين !!

8) لو نسي الموبايل بالغلط ..... و لقاكي ماسكتيه او حتى
عم تتفرجي ع ليه بعيونك يصير يعيط ويشيط كأنو صار شي زلزال

9) يكون عنده ارتباط شرطي بين المسجات او الرنه ... و
الطلعه من البيت!! ابصر شو العلاقه بينهم بس لازم يهرب من البيت بعد ماحدا يدقلو
ابصر لوين بيروح وبيغط

10) بيحكي من مواقع غريبه - حمام - مطبخ المهم يقفل
الباااااااااااااااب

11) فيه اسماء غريبه في موبايله على سبيل المثال
ابو غاده = غاده
عنتر = عبير
حب الدوار = ساكنة بالدوار
انور = نوره
ابو صالح = باميلا اندرسون

12) فجأه بيصير حبيب معك بدون سبب (هي عقدة الذنب)

13) ما بيمنعك من الروحه لاي مكان ... لانه بدو يخلص منك
يا هبله دايماً بيقلك روحي انبسطي الله يسرلك والقلب داعيلك

14) دايماً عندو شغل في حمص أو حلب ويمكن بيروت ليله
وبيرجع !! مابيطول يابعدي

15) اذا رحتي على بيت اهلك ودق وقلك ازا مبسوطه مع
اخواتك نامي اليوم عندهم مو مشكلة حبيبتي

16) بيغسل قميصو بعد الويك اند بالمغسله ( طبعا بالمصبغة
مو بالبيت من شان يمسح الاثار يامووووو(

الخلاصه
:
اذا توفر 3 من الشروط السابقه يمكن انك عم تتوهمي

اذا توفر 7 من المواصفات السابقه خافي على زوجك وابدي
شكي

اذا توفرت 10من الصفات السابقه اكيييد انه يخونك

اذا توفرت 16 كامله قومي ضبي غراضك و شنطتك وروحي على
بيت اهلك

موضوع: رد: مواصفات الرجل الخائن 03/08/10, 02:32 pm

الحمدلله لسه ما تزوجنا
يا مأمن بالرجال متل الي مأمن بالمي بالغربال

زائر

اووووف
الحمد لله مافي شئ من هاد

مشكورة جهودكم

موضوع: رد: مواصفات الرجل الخائن 04/08/10, 04:09 am

مشكووووورين أميرة السلام و زهرة الجبل على هذا المرور العطر

» مواصفات الرجل الخائن
» مواصفات المرأة الجميله في عين الرجل
» عالم الرجل...خصوصيات الرجل...كل مايهتم به الرجال....فقط خاص للرجال....
» اروع ما قيل عن الرجل
» مواصفات البنت السورية