اذا بتزعل الرجاء عدم الدخول...واذا دخلت لابد من المشاركة

~~~(بسم الله الرحمن الرحيم)~~~

سلاااااام للحـــــــــــلوين السكاكر الي لمنتدااااانا منووورين

ربـــــي يحفظـــــكم دوم سااااالــــمين

~~~كونوا ذا صدر رحب يتقبله النقد البناء~~~

المقصد من هذه المشاركة هو ::: الإستفادة من أراء الآخرين :::

المطلوب من كل عضو ينقد العضو الي قبله (نقد بناء)ويبدي ملاحظاته من خلال النقاط التالية :::

الإسم :

الصورة الرمزية :

التوقيع :

الاســلوب :

طبعا دائما الكاتب يكون هو كبش الفداء

وأول من يطبق عليه النقد اكيــــــــد صاحبه الموووضوع

وماااراح ازعل عليكم انتظر رااايكم بكل شوق

زائر

ماشي .... بالنسبة لاسمك ... (سيدرة المنتهى) ... فهو أكيييييييييد اسم رائع ... لأنه مكان في الجنة .. و مأخوذ من ديننا الحنيف ... فهو لا يعلى عليه
الصورة ... حضرتك لسا مو حاطة صورة
التوقيع ... كمان ما في توقيع
مشكوووووووووووورة ... موضوع موفق

مشكور زميل على مشاركتك
صحيح أنا لسا ما حطيت صورة بس حابة اتمهل شوي بالاختيار
وبانتظار مشاركة الاعضاء

مرحبااااااااااااااااا
لوكينغ فور غلوري بالنسبة لاسمك رائع و معبر و انشا الله بتلاقي الشي اللي عمبتدور عليه
و بالنسبة للصورة متناقضة شوي مع الاسم (القديمة احلى)
و بالنسبة للتوقيع اكثر من رائع
و بالنسبة للاسلوب ما حدا بيطلعلو يحكي
و المواضيع ما شاء الله لا يعلى عليها

زائر

مشكووووووووووور كتير Hurt Heart على رأيك ... هادا من ذوقك و لطفك ... صدقني كنت كتير متردد ... قبل ما غير الصورة ... بس مو مشكلة ... أنا رجعت الصورة القديمة ... مواضيعي أقل من عادي ... بس الحمدلله كني عم يعجبوكم ... و هذا هو المطلوب

زائر

أنا كمان حبيت علق على بروفايلك ......يعني اسمك حلو و معبر ... بس الأحلى فيه أنو rhymed perfectly
أما بالنسبة للصورة ... فهو علم من أعلام العالم المشهورين ...تشي غيفارا ... ثائر عالمي. ساعد على قيام الثورة الكوبية وتأسيس الاشتراكية فيها ...اختيار موفق
التوقيع .... ما لقيت توقيع
الأسلوب ... بصراحة أنا بشوف بأسلوبك بالرد أو عندما تضع مواضيع ... بشوف فيها انسان فهمان و بعرف شو عم يقول ... يعني wise

مشكور هارت هيرت على مشاركتك
بالنسبة لتعليقي عليك الزميل لوكينغ فور غلوري ما خلالي شي أحكيه
بس عنجد بشعر بأسلوب مشاركاتك وردودك بالمواضيع أنك بتقرأ الموضوع بجدية وبتعطي رأيك بأسلوب انسان مثقف وواعي
ولا يعلى على ردودك
شكرا جزيلا الك وللزميل لوكينغ فور غلوري

مشكووووووور حبيب على هذا الاطراء الجميل
هادا من ذوقك
بس الظاهر انك فهمتني غلط منشان الصورة
يعني هادا كان رأيي الشخصي و الصريح و مو بالضرورة باقي الناس يوافقوني الرأي و أنا ما بنزعج و لو كل الناس خالفوني الرأي اذا كان الشي اللي عمبعمله مقتنع فيه
و لما حضرتك غيرتا هادا الشي احتمال يخليني حط عليك نقطة (ضعف الثقة بالنفس) أو في صنف الأشخاص الذين (يحبو أن يكونوا كما يريد لهم الآخرون أن يكونوا)
هذا اللهم الا اذا كانت هذه وجهة نظرك الشخصية و أنت مقتنع تماما بما تفعل (و بنفس الوقت تتقبل النصح و النقد من الاخرن) من مبدأ "اللهم اجعلنا ممن يسمعون القول فيتبعون أحسنه"
و أنا شبه وا ثق أنك من الصنف الثاني بدليل انك قلت انك كنت متردد
بتمنى انك ما تفهم حكيي على انو تهجم أو اساءة لشخصك
تحياتي و شكرا مرة تانية على ردك الكريم

مشكووووووووووورة اخت سيدرة على ردك العطر
هادا من ذوقك
بس في عندي ملاحظة يعني مو لازم كل الردود تكون اطراء و مجاملة خلي يكون فيها شوية نقد بدون اساءة لحدا مشان ما ينشف الموضوع و يخلو من الصراحة
مشكووووووووورة على الموضوع الرائع

طبعا زميل هارت هيرت
كلامك صحيح مية بالمية وانا هاي هي غايتي الرئيسية من الموضوع
بس بالفعل انا ما عندي أي نقد شئ عليك او على الزميل لوكينغ فور غلوري
ولو كان عندي كلمة وحدة كنت كتبتها انا بحكي الصراحة دغري
واذا مو متأكد من كلامي ادخل على موضوعي (رأيك بالمنتدى ) وشوف نقدي
انا ما عندي (ياما ارحميني)

بس ليش الاعضاء رافضين المشاركة بالموضوع ما بعرف
انا بدي حدا ينقد أسلوبي ومواضيعي وبنفس الوقت أنا أنقدو
بس ما في تفاعل الظاهر لازم أنقد المنتدى كلو

زائر

مشكوووووووووور هرت هارت ... على رأيك فيني .... و على كلامك الصريح ... صحيح أنا غيرتها للصورة ... بس غيرتها عن قناعة و قبول لنصيحتك ..... مشكوووووور
و الشكر بالأول و الأخير ... ل سيدرة ... على الموضوع الرائع

اخي و حبيب قلبي لوكينك فور غالوري اسمك بالنسبة الي صار كويس من بعد ما قلتلي اشو معناته انشاء الله تلاقي
اما بالنسبة للصورة فهذا شيئ شخصي
اما بالنسبة لتوقيع اي حط الترجمة انا فهمت تلات رباعوا
مواضيعك حلوة ردودك احلى
بس بتمنى منك كما قال هيرت هارت انو اذا شفت شي سلبي رد ةناقش ةعطي رائك

هلئ من نجي لعندي صاحبنا هيرت هارت
الاسم سلامة قلبك انشاء الله ما على قلبك شر
الصورة هذا جيفار عنجد شيخ شباب و عنجد حنشل كتير قبضاي
مواضيعك بصراحة قليلة نتمنى ان نشوف المزيد
ردودك حلوة وصريحة
توقيع لا يوجد عندك توقيع

و هلئ منروح لعندي سيدرة المنتهى
اسمك كتير حلو
صورة عقبال ما يصير عندك صورة
التوقيع كمان عقبال ما يصير عندك توقيع
المواضيع جيدة
الردود كمان نتمنى ان تكون بصراحة

هات لنشوف اشو رائيكم بالبروفي يلي ايلي بكل صرااااحة وشفافية
مشكورة سيدرة

مشكووووووورين سيدرة و لوكينغ فور غلوري على ردودكم الطيبة
احم احم!!
منجي لنفصفص و نشرح حبيب قلبنا موون لايت
بالنسبة للاسم اسم على مسمى و الله انت بهالمنتدى متل القمر بمشاركاتك و نحنا النجوم من حواليك
بانسبة للصورة حلوة لأنو فيها اسمك (المستعار) و في احلى من ضو القمر؟
و اللي محليها اكثر و جود الجمجمة و اللتي هي رمز للحناشل و الأبضايات
و بالنسبة لمواضيعك كمان قليلة بالنسبة لمساهماتك و هادا الشي برأيي نقطة ايجابية مو سلبية ابدا
لأنو في شغلة كتير سيئة بكتييييييييير أعضاء انهم بيتصفو بالأنانية يعني بنزلو مواضيع كتير و ما بكلفو خاطرهم انو يردو على مواضيع باقي الأعضاء
بانسبة لردودك كلها واعية وقت الجد جد ووقت المزح مزح و الصلاة عالنبي ما بتترك موضوع يعتب عليك الا بتقراه و بتعلق عليه
منجي للتوقيع:
اذا كان الزمان والجماد ضدي فانا ادلبي اعشق التحدي
كلمات جديدة و رائعة تدل على الاعتزاز بالانتماء لهذه المحافظة الجميلة وبنفس الوقت على روح التحدي و المغامرة و يجمع بين الابداع و الأصالة
كن في الدنيا كأنك غريب او عابر سبيل
من أجمل ما عرفت من الحكم
ان مرت الايام ولم تروني فهذه مشاركاتي فذكروني
عبارة رائعة و انشا الله منشوفك على طول منور المنتدى و منذكرك دايما بالخير

أخت سيدرة اذا كل هالقد حاببة حدا ينتقدك أنا جاهز بس المشكلة ما عمبعرف عشو بدي انتقدك
يلا بحاول و بشوف شو بدو يطلع معي
يعني بالنسبة للاسم (سيدرة المنتهى) يا سلاااااااااااااام ع هالاسم شو حلو
المواضيع و الاسلوب:
مع انك جديدة و لسا ما شفنا خيرك من شرك متل ما بقولو بس و الله مواضيعك جذابة و أنا بحييكي على ذوقك في اختيار المواضيع (يعني فتي بالأعضاء بفرد فوتة) و الردود على احلى و احلى
مشكوووووووورة مرة تانية على موضوعك الروعة

زائر

بسم الله استعنا على الشقاء بالله
زميلي هارت هيرت مممممممم ما بعرف شو بدي قول يعني عضو شرف وما بيطلعلنا نحكي
ولا شو رأيك؟؟؟
أخي بدي قول أصلا هو للنقد
بالنسبة للاسم بجد موفق فيه ومعناه بيدل عل الالم اللي جواتك يارب ما يكون صح واذا صح بتمنى انك ما تخلي شي بقلبك يخلي السوداوية ولو بشكل بسيط انه يلون حياتك
بالنسبة للصورة كنت شوفها كتييييير وما كنت بعرف شو بتعني بس لليوم فهمت فمشكورين عل المعلومة
وبالنسبة للتوقيعما شفت توقيع لالك وكمان بتمنى تحط توقيع عن قريب منشان نتعرف على شخصيتك كمان وكمان عن طريقها
بالنسبة لمواضيعك لذيذة وحلوة بتمنالك التوفيق
بتمنى تتقبل كلامي
وزميلتي سيدرة المنتهى شكرا الك على هل الموضوع بجد حلو وبعتقد اننا عن طريقه فينا نتعرف على بعضنا أكتر

هلا و غلا باختي العزيزة شمس
مشكووووووووورة كتير على مشاركتك
بالنسبة لاسمي بعبر عن اللي جواتي بس مو لدرجة السوداوية او الكآبة
مشكورة لتعاطفك
وبالنسبة لرأيي حكي شو ما بدك و نقدي على كيفك (معك مطلق الصلاحيات)
و متل ما قلتي حضرتك انو هادا الموضوع بزيد من معرفة الأعضاء لبعضهم و هو ساحة للنقد و الحوار و التضارب بوجهات النظر و ربما بالأيدي بعدين بالجامعة!! ههههههههههه
اسمك شمس يلي هي مصدر النور و الضياء و الدفْ
و صورتك طفل مدري طفلة ... المهم علامة عالبراءة و البساطة و التواضع
مواضيعك موفقة دائما و حلوة بس ردودك قليلة شوي
و التوقيع جد رائع (عميخطرلي اسرقو منك) انشا الله بظل الحب و بزول الانتظار
بالتوفييييييييق

Hurt Heart
بالنسبة للاسم : حلو وبحب شخصيآ هيك شي وبرأيي بيدل على شيء دفين داخل صدرك0
بالنسبة للصورة : ماعليها كلام نهائيآ 0
التوقيع : لا يوجد إذآ لا تعليق 0
المساهمات والمشاركات : جدآ رائعة وتعجبني فيك صفة الاحترام للآخرين0
وبالنسبة لزميلتنا كاتبة الموضوع : مشكورة جدآ على الفكرة الحلوة والرائعة

شكرا ايبرا وشمس ومون لايت على مشاركتكم للموضوع

رح أبدأ بمون لايت
موووووووووووون لايت وقعت والله وقعك بين ايدي
كنت من زمان منتظرة دخولك لحتى فرجيك قصدي لحتى أنقدك
بصراحة أنت محلي المنتدى كتير كتير ووجودك فيه عمل فيه حركة شوي
الاسم ما في عليه كلام كتير حلو ومعبر
التوقيع: السطر التاني والثالث كتير معبرين يعني الواحد لازم دائم يتذكر انو هو مجرد انسان عبيقوم برحلة ولابد شي يوم تنتهي هالرحلة
أو ممكن يترك المنتدى لأسباب معينة ومنقدر نتذكرو من خلال هالمشاركات
بالفعل وقت اللي قريت هالأبيات كتير حبيتن ولو ما كنت انت حاططن او بخاف اكل قتلة اذا حطيتن كنت انا حطيتن
بس يلا معلش منلاقي غيرن
بالنسبة للمواضيع مواضيعك قليلة بالمنتدى شوي بتمنى شوف المزيد
بالنسبة للأسلوب هون الحكي
أسلوبك حلو والشي الاحلى انو عندك روح الفكاهة وبحسك دائما عبتضحك والله يخلي ايامك كلها سعادة
بس المشكلة عندي انتقاد انو أنت بصراحة كتير أحيان بتكون عبتنقد على موضوع معين وبتحول هالموضوع لموضوع تاني
لاحظت هالشي من خلال ردودك على اغلب المواضيع
أنا بحب من خلال الموضوع أنو نتناقش على فكرة الموضوع نفسو ونتعرف على أفكار بعضنا من خلا رأينا بالموضوع
هاد هو انتقادي الك أرجو أنك تتقبلو

هارت هيرت يسلمو كتير عالنقد
Twisted Evil

والحلى انو عجبك اسمي Shocked

شمس وايبرا جاي دوركن

زائر

معناهاسترك ياربي
لا تجوري علي والله أنا حبابة
شوفي سيدنا عمر الله يرضى عنه قال
خيركم من أهدى الي عيوبي
احي بصدق وبشفافية وأنا ناطرة ومالي طالعة لوقت ما شوف رأيك
مع شكري الك

هههههه مشكورين يا ورود على هذ الردود كيف على القافية
هيرت هارت
مشكور اخي و حبيب قلبي على هذا الوصف الحلو يلي ما بظن اني قده بس كوني انا قمر وانتم نجوم هاي حبيتا منك لان القمر مصدر الضوء من عند ضوء النجوم فانا استمد نوري منكم
مشكور

سيدرة المنتهى
يالطيف شو هاي علقت والله علقني زكاتك انا زلمي بمشي ال wall -wall وبقول يا ربي الستر
لك تسلمي يا سيدرة والله هاي عيونك الحلوة والله
عجبك التوقيع لا تخافي ما رح اخرطك قتلي خذه ماعليش رح اجرك اياه كل شهر خمسين ورقة اشو قلتي
بس ليش ما عجبك توقيع السطر الاول
ومنشان المواضيع انشاء الله رح حاول زيدهم تكرمي
ومنشان الاسلوب انا بحب انتقد بطريقة مرحة وانشاء تكون عاجبتك
اما اني بنتقل من الموضوع المعين الى موضوع تاني هو هيك بيصير بشكل عفوي
يعني انا برد و بيجني الثاني بيرد على الرد يلي أنا رديده وهيك منكون انتقلنا لغير موضوع
بس رح حاول اني ضل ضمن صلب الموضوع
وعنجد مشكورة كتير على التوبك توبك حلو ومميز

شمس ليش ما عطيتينا رائيك فينا
بعدين نحنا منقرب بعض اذا ما لك خبر لان انت شمس وانا قمر ونحنا الاثنين من نفس اسرة الكواكب و المجموعة الشمسية

مشكورين على ارائكم وانشاء الله نكون عند حسن ظنكم

زائر

حبيب قلبي مون لايت ... اسمك كل ضوء بضوء ... بتنور المنتدى بوجودك ... و المنتدى بلاك ... بطاطا
اسمك معبر و حلو ... بكفي فيو مووون ... على راسي أحلى مووووون
الصورة ... اي شو هاد ... بتخطف القلب هالبنت ... و الجمجمة عإصبعتها كتييير حلوة ... و اسمك موجود عليها ... مع أنو حبيت الأولانية أكتر ...
التوقيع .... عبر و درر و جواهر ... من عند عمك أبو الملوك ...
الأسلوب ... تحرم على منتديات سوريا كلها ... اذا في اسلوب متل اسلوبك ... جدي و مذوق و فهمان ..
دمت ذخرا لهذا المنتدى ..... لك روووووووووح ... احلى موووووون لايت

لك مشكور حبيبي ابو عبودي الغالي والله انك عطيتني اكتر من حقي بس الورد شو بيطلع منه غير الريحة الطيبة
مشكور

يا زميل عبادة بالنسبي للاسم شي كتــير حلــو
اما بالنسبة للصورة لطيفي.....اما بالنسبي لموضوع التوقيع هو كتير معبر بس بتمنى تبقى متفائل اكتر لانه نوعا ما بيعبر عن الحزن واخيرا الاسلوب اسلوبك كتير لبق ولطيف .......
مشكور حبيبنا و ملكنا ...... يا كبيييييير ....... مبروووووووووك الدرجة الثانية .... وعقبال سنة الجاية تكووووون أحلى أول

طيب وانا على مين بدي علق ماشاء الله عليكن مكفاين ومزودين الله يزيدكن علم وبصيرة

زائر

الاســــــــــم : أميرة السلام ... اسم معبر ...... أكيد ما في أجمل من السلام ....
الصــــــــــورة : لا يعلــــــــــــــــــى عليها
التوقيع : لا يوجـــــــــــد
الأســـــــــــــلوب : نحنا اكيد اتعودنا على اسلوبك الرائع و المميز بالمواضيع و الردود ....بس صرلك فترة غايبة

اميرة انا جيت فصفصك فصفصه
الاسم واميرة و لا كل الاميرات
الصورة جميلة جدا
التوقع لك ليش مالك حاطه توقيع
اسلوبك و لا أجمل من هيك
ردودك معبرة وحلوة و خفيفة نظيفي
واهلين وسهلين فيك

دي هاتي لنشوف اشو في عندك على راي على عمك الحاج مون لايت

[quot="اميرة السلام"]طيب وانا على مين بدي علق ماشاء الله عليكن مكفاين ومزودين الله يزيدكن علم وبصيرة[/quote

ميييييييييييييييييييييييييييييييييييين ؟ أميرة السلام بحارتنا ؟
والله يامية السلامة 0000 وين هالغيبة خيتو ؟
هو انتي بتذاكري من ورانا ؟

والله يا ريتعم ادرس لك سكوت ما بتعرف شي
اخ اختي اجاها ولي العهد وقضت كل رمضان عنا
و2 الكمبيوتر كان مضروب على قلبو ومصيف وكل ما صلحو يرجع يصيف من كتر الشوب شا يف لك وين عم تراقب لساك بالحقوق

» الرجاء من كل شخص يعشق الريال الدخول بسرعة
» أشهر 10 أحذية... دخلت التاريخ
» زملاء بالنسبة لنزول المواد...الرجاء الدخول
» نقاشات حادة بين البنات والشباب..الرجاء الدخول
» أكبر حملة دعاء لمدة اسبوع(الرجاء الدخول)