خربشة ...... لكنها واقعية

موضوع: خربشة ...... لكنها واقعية 29/11/10, 04:19 am

لمع اليوم في ذهني سؤال ما كان ليخطر على بالي لو أني لم أحضر اليوم محاضرة تاريخ الأدب .......
فبعد الفصل بين العجيان و العجيات ( الشباب و البنات ) طلب الدكتور من الطلاب الذين يجلسون في الخلف الذين و لربما سيستغلون وقت الماضرة بالتطبيق عبر الوسائل الحديثة المتعددة و التي قد أصبح الدب النايم يشعر بوجودها .....حيث قال الدكتور ( رضي الله عنه ) " قربوا لك ابني لقدام عددكون صغير و ما بيستاهل شغّل المايك كرمالو ..... لأنو المايك اليوم عم يطالع صوت ) ثم استطرد قائلا " صرتو بتعرفوني أنا ما بحب يقعد شب جنب بنت... لازم تكونو حفظتو الدرس....( فما كان من الشعب إلا أن أومئ بإشارة الفهم و الموافقة .... ثم قلت له :حافظينا يا دكتور من السنة الماضية .... فقال لي :ليش مين كان من الدكاترة قبلي يمنعكن من القعدة جنب بعضكن؟؟!!.....فقلت له : ( الفطرة )! ....
و هنا دار الحديث بيني و بين نفسي ناسياً المحاضرة باللي فيها ..
لا ليست الفطرة يا أبو الفوز ..... بل هنالك أشياء أخرى لا تشعر بها ..... لأن الفطرة تدفعك لمجالسة الفتيات و ماغازلتهن.... كما يوجد في الانسان غريزة لا شعورية قوية ألا و هي الغرزية الجنسية التي يمكن ان تتجسد و تُشبع بطرق مختلفة و منها الجلوس بجانب الجنس الآخر (البنات )..... فما هو المانع ؟!؟! .... أهي الأخلاق أم الدين أم وضع البنات المزدري في كليتك العظيمة ؟؟؟

و هنا وصلت لطريق مسدود لأن الأسباب المذكورة فيما سبق ( الأخلاق و الدين و الـ.... ) .... لا يوجد فيها ما يحّرم هذا التصرف أو يمنعه .

أهو المجتمع المحافظ في هذه المدينة العصماء ؟! .... لا ليس هو .... فمن الجدير بالذكر بان هذه المحافظة مشهورة بعادة سيئة لربما تكون غير موجودة في أي مجتمع آخر ( شرط أن يكون هذا المجتمع سليم و معافى جنسياً )و أنا لست بموقف المسؤول للتكلم عن هذه الظاهرة أو لربما هذه العادة .

أم هي الأخلاق ؟!..... أيضاً لا ..... فما من نص واضح في كل كتب الأخلاق التي قرأناها يشجب أو يستنكر هذا التصرف أيضاً ,بدئاً من سقراط حتى نصل إلى أعظم فيلسوف سوري ( لأن الشعب السوري كله فلاسفة ) .

أهو الجمال المعدوم ؟! ..... أيضاً لا .... فبرأيي مهما كانت الفتاة قبيحة أو غير جميلة أو قليلة الاعتناء بنفسها ... فإن هذا لن يدفع الشاب للهروب من مجالستها أمام العشرات من الطلاب إن لم نقل المئات مما سيوصلنا إلى أن الشاب لن يكون في موقع الشاب الولهان المنتظر لهذه الفرصة منذ زمن بعيد.... يعني طلعت المشكلة من طرف الشب و البنت .

أصبح ما ضل غير أنو الشباب ما بحبو يقعدوا جنب الصبايا يا أبو الفوز ( سألت حالي هالسؤال بالعامية )

لكني عدت لصوابي و تكلمت العربية الفصعاء و قلت : لما الشباب ؟؟!!

ألا ترى الحشود المحتشدة من أبناء جنسك الذين يبقون طوال النهار و آناء الليل ينتظرون نظرة من الأميرة ديانا أو يطمعون بمحادثتها ولو بأمور الدراسة حتى يقول لصديقه ." شفت ولاك عليّ الطلاق طبّقتا و جبتا كتاااااف " و المقصود بالأميرة ديانا هنا أن كل فتاة تكون في المخطط التطبيقي للشاب ستكون هي الأميرة .

و عندها عجز فكري عن إيجاد ما يبرر هذه الظاهرة (السلبية) مع العلم أن ما أجبرك عليها هو مقاعد الدراسة و العلم ......و بعد ما أن وصلت إلى هذه النقطة من التفكير قاطع الدكتور سلسلة أفكاري بنكتة منه للخروج عن إطار المحاضرة المملة . فما عدت قادراً على المضي قدما و لا على التقهقر .

فكتبت مقالي هذا علّي أجد عندكم مبرر .
فلا يسعني أخيراً سوى أن أقول لقارئين هذا المقال و خصوصاً الصبايا ... يا شباب والله أن مو قاتل حالي على ما طبق بنت أو على ما اقعد جنبا ( خير اللـه كتير و الحمد للـه ) .... بس يعني هالسؤال بيستحق أنو ندردش فيه .

أتمنى المشاركة الجدية .

موضوع: رد: خربشة ...... لكنها واقعية 29/11/10, 05:01 am

[center]

شكرا كتير الموضوع الدهبي

انا لمست هالتفرقة الجنسية من اول محاضرة حضرتها

فتت عالصف ( القاعة يعني ) وكنت حاطط بباالي انو شوف وين في بنت حلوة اقعد حدها متل ما كنت متعود بحمص
وكانت المفاجأة انو البنات لحال والشباب لحال

خفت اقعد حد شي بنت تقوم تقلعني او تسلخني بالكف

king

موضوع: رد: خربشة ...... لكنها واقعية 29/11/10, 05:15 am

ههههههههههه ....... أنت كان في عندك الخيار ( يعني في محلات فاضية ) بس أنا صارت معي مرة أنو ما في محلات فاضية و إذا ما قعدت .... بكون رح احضر المحاضرة ع الواقف .... ولا بترد عليّ الصبية و بتقول ... روح اقعود جنب رفقاتك ...
و إذا بقعد جنبون ... منكون صرنا 5 بالمقعد ...و هي قاعدة لحالا مع رفيقتا .

مشكور حبيب على مرورك .

موضوع: رد: خربشة ...... لكنها واقعية 29/11/10, 05:23 am

ههههههههه
انا بالصف الاول كانت الانسي مبركنتي جنب حرمتين قال منشان ما نحكي قال
هههههههه

زائر

لا تعليق ..... فايتة ببعضها ..... خصوصي نحنا بالسنة التالتة ... في كام بنت ... يا خاي بخوفوا جيش عسكر ... ما قول لشي وحدة منن بدي أقعد ... لتسلخني كف تخليني افتل 3 ساعات بأرضي ... بلاها لك خاي بلاها ... هيك اريح cherry

موضوع: رد: خربشة ...... لكنها واقعية 29/11/10, 06:35 am

والله نحنا عنا المقاعد فاااااااااااااضي يعني لو واحد ببرك على مقعد بضل عنا زيادي
ياأخي الاثرجيه مدللين

زائر

اي بدكون قتل هيك العادات وهيك التقاليد ويلي بيعمل غير هيك بيكون مريض نفسي

وعندو عقدة بنات بس اذا متل عنا نحن الادب الانكليزي سنة تالتة اذا ما في محل عادي حرام تروح عليكون المحاضرة

بس اكيد مو حدي لانو محجوز لخمسة من رفقاتي
هههههههههههههههههههههههههههههههه

موضوع: رد: خربشة ...... لكنها واقعية 30/11/10, 02:06 am

هلأ الموضوع حلو يا ابو الفوز وانا عم قول لحالي ليش بدك ياني فوت عالمنتدا تاري مشان موضوعك
والله الموضوعمهم جدا لفكرة النقاش ورائع جدا
انا برأي بما انو نحنا سواء شب او بنت عمنقعد بالسيارة اثناء السفر جنب بعض
طبعا مو لزء ببعض فما في مشكلة انو يقعد شب جنب بنت اذا ما في مقعد وتى ليش نحنا عم نرفض الفكرة ما بعرف
اذا انجبر الشب او الصبية ليش انو ينحرمو المحاضرة مشان هيك شي اذا كان الشب محافظ علىسلوكو والصبية محافظة ليش لأ ومتل ما قلت يا ابو الفوزليش لانحرم المحاضرة انا كتير احيان بتقعد خمس بنات وما بنقدر نقول لشب بكون قاعد لحالو ممكن نقعد يمكن عاداتنا وتقاليدنا هيك والله يعينا
مشكور ابو الفوز وانا بعمري ما ضرت محاضرة تاريخ الادب ما بحبو Smile

موضوع: رد: خربشة ...... لكنها واقعية 30/11/10, 04:34 am

اقتباس :

انا بالصف الاول كانت الانسي مبركنتي جنب حرمتين قال منشان ما نحكي قال

يا سيدي تتهنا ...... والله نيالك ...... بس و انت بالجامعة عم تسترجي تعمل هالتصرف الشنيع !!..؟

مشكور حبيب على مرورك .

اقتباس :

لا تعليق ..... فايتة ببعضها ..... خصوصي نحنا بالسنة التالتة ... في كام بنت ... يا خاي بخوفوا جيش عسكر ... ما قول لشي وحدة منن بدي أقعد ... لتسلخني كف تخليني افتل 3 ساعات بأرضي ... بلاها لك خاي

ابعد عن الشر يا عمري و غنّيلو ...... خلي هالكلام براسك يا صديق .

مشكور حبيب .

اقتباس :

اي بدكون قتل هيك العادات وهيك التقاليد ويلي بيعمل غير هيك بيكون مريض نفسي

هلأ هيك العادات !!!؟؟؟ شو هالجريمة اللي عم نرتبها وقت عم نقعد جنب شي ليدي من ليديات كليتنا .

طيب لنفترض انجبرتي و طلع شب جنبك بالسرفيس ...... شو بتقوليلو ؟؟؟ رجائاً لا تقعد جنبي !!! العادات ما بتسمح .

و هي متل هي ...... يعني الواحد منّا لو ما كان مجبور على القعدة أكيد ما رح يقتل حالو ع القعدة . و على قولة المتل : شو جابرك على المرّ قال الأمرّ منّو .
مشكورة على مرورك يا صديقتي .

اقتباس :

هلأ الموضوع حلو يا ابو الفوز وانا عم قول لحالي ليش بدك ياني فوت عالمنتدا تاري مشان موضوعك
والله الموضوعمهم جدا لفكرة النقاش ورائع جدا
انا برأي بما انو نحنا سواء شب او بنت عمنقعد بالسيارة اثناء السفر جنب بعض
طبعا مو لزء ببعض فما في مشكلة انو يقعد شب جنب بنت اذا ما في مقعد وتى ليش نحنا عم نرفض الفكرة ما بعرف
اذا انجبر الشب او الصبية ليش انو ينحرمو المحاضرة مشان هيك شي اذا كان الشب محافظ علىسلوكو والصبية محافظة ليش لأ ومتل ما قلت يا ابو الفوزليش لانحرم المحاضرة انا كتير احيان بتقعد خمس بنات وما بنقدر نقول لشب بكون قاعد لحالو ممكن نقعد يمكن عاداتنا وتقاليدنا هيك والله يعينا

الله يجبر بخاطرك يا أميرتنا ..... بس والله ما كان هيك قصدي . على كل حال ....

يا ستي يلسم هالتم ....و نفس الحكي أنا قلتو لندى ..... بس بحب قلك أنو الشب أكيد رح يكون محافظ على سلوكو و كمان البنت ....... لأنو قدام ميتين طالب الواحد ما رح يقدر يتفلحص ....... و أكيد ما رح روّح من ايدي محاضرة كرمال سلوك مو مقبول من شي بنت ..... إذا ما بدا تقعد .... الله و الملائكة يكونو معا ....

مشكورة على مرورك .

موضوع: رد: خربشة ...... لكنها واقعية 30/11/10, 05:40 am

والله انا مابحب حدا يقعد جنبي لابنات ولا شباب بحب يكون عندي مقعد خاص فيني لحالي بس الله معلقني بندى
الله بيبلي وبعين
ههههههههههههههههههه

زائر

لافلي غيرل وجع ياقلبي انشالله

يا ثاوندستورم انا كنت عم امزح فقط لاغير متل ماقالت اميرة انو اذا كان الشب محترم ووالبنت محترمة عادي وين الغلط
عم نطلع جنب بعض بالسرفيس وهيك خلينا بالصف هلق انتو بتعرفو يلي عم يطلع معكون بالسرفيس سواء كان ذو اخلاق او لا ما رح تعرفو اهم شي نحن بالجامعة ليش من شان الدراسي والله ماني مستعدي اقعد باخر مقعد او ما احضر من شان ما اقعد بمقعد فيه شب ومشكور كتير على موضوعك ثاوندر

» أمور 000 واقعية
» قصة18شـــــــاب وفتـــــاة في المسبح؟؟قصة واقعية
» قصة حقيقية لكنها مضحكة......
» كلمات قصيره لكنها رائعه
» بذوري سليمة....لكنها في التراب الخطأ