أوقفوا عضويتها...يا أنا يا هي بالمنتدى

أوقفوا عضويتـهـا .. يـا أنــا ..

يا هــي فـي المــــــنــــتـــــدى !!

قد تتفـاجـئوا جميعـاً من عنــوان الموضـوع .. لكـن هذه هي الحقيقـة ...

يـوجد بيننــا ((...)) لاأريـد أن أقـول اسـم العضـوه ولـم اعتــبرها

عضــوه معنـا حقآ!!! .

ولســت مستعدةأن أتعب أصابعي من أجــل أن أكتب اسمهـا .. !!

لكــن أريـــد أن أوجـه هــذه الرسالــة لهـا اولاً .. أمـام الجميع حتـى يكـونوا

حـذريـن جـداً خـلال التعامل معـها أو الأصـح يتـم حذفهــا من المنــتدى

ولو استطيـــــــع لحذفتهــا من المجتمــع ككــل . . .

في بداية مشاركتي في هذا المنتـدى كنـت أراها حبوبـة عنـد بعض الأشخـاص

وهـذا ما أراه من تفاعلــهم معها.. وأيضـاً كــانت تسـاعد البعـض عندمـا يطلـبون

العــون منهـا .. ومـا كانت أبداً تخذلهـم ..بالعكـس كـل شي يكـون على مايـرام ..

وهذا الذي أذهلني فيــها .. لم يطلب منهـا شـيء .. إلا مـدت يـديهااا للمسـاعدة ..

بصـراحـة أحببتـها لمساعدتـها لإخوانـنا وأخواتنـا ... ويــوم بـعد يـــوم

أقتـربت منها أكثـر ..وتعـرفت على شخصيتهـا أكثـر وتبيّــن لي أنهـــا

اجتماعيـة وخاصـة عن طـريق مساعداتـها التي كـنت أعتقـد أنهـا لوجه الله ..!!

لكن للأسف وأقولـها لـكم وبكل صراحة .. ليتني لم أتعرف عليها ولم أعرف اسمها..

لأنها ذات كيــان أجــوف وفــارغ.....!! لا حول ولا قوة إلا بالله ..

هي أنـانيه وظالـمة ويكـفـي إنـها ظلـمت بعضنـا ..

إنها لا تعرف الفرق بين الحق والباطل ...

إنها تحـرم صاحب الحـق من الحصول على حقه وتعطيه إلى أعـز..الأشخاص إليها !!

وتخدع وتبين أنها غير ذلكـ وقد تتسائلـون جميعـــاً .. من هــي ؟؟؟؟

الكل يحب أن يعرفها ولكن ليتني مثلكم لا اعرفها ...ولكن !

كل ما أعرفـــه أنهـا لابد ان تحـذف من الوجود !!!





وأنتم أيضا لابد توافقونني الرأي .. ومهما كانت أعمالها رائعة لبعـض الأشخـاص...

لابد أن يحذف اسمها .. أنـا لم أذكر اسمهـا في بداية الموضوع ليس لأنني خائفة.

لا.... ولـكن كـنت لا أحـب أن أفضحها بين الخلق ولكــن

اتضـــح أن الكــــل يجب أن يتعرف على هويتها ...





((المجـــــــــاملــــــــــــة ))

فمثـلآ يكـون الموضـوع يستحـق النقـد وتجـد الأعضـاء يكتبـون لـدى مرورهـم ردود مختصره ومجامله

برغم أن النقد والتوجيه قد يفيد الكاتب ويطور امكانياته

فأنا أتمنـى حذف " المجاملة " من منتدانا وتبادل النقد البناء الذي يفيد المنتدى والكاتب ..

هذه الدعوة لحذف المجاملة من منتدانا ..

بالتأكيد لا تعني التجريح أو التخلي عن قواعد الذوق وحسن التعامل ..

المقصود .. النقد الهادف البناء الذي ينمي مواهبنا وطريقة طرحنا .. بل وحتى نقلنـا ..

وإلى الأمــام .. دائمــًا .. ودمتــم لنا شموعا لا تنطفيء

اشكرك سلام على الموضوع
بالنسبه الي المجامله الها حدودها
ولاتكون على حساب الصراحه

ممكن نجامل بشكل بسيط في بعض الامور وهذا شي طبيعي
مجامله مع الناس مطلوبه لراحة الانفس والمحبه مع الكل وهي تقرب ولامنها ضرر
وهذا رايي

لك شو هل الموضوع يا سلام يا سلاااااااام
عنجد اول ما قرات الموضوع رااااح فكري لبعيييييييييييييييد
بس بعدين لفهمتوا

بس انا ما بقدر امسح المجاملي من قاموسي
لان اذا ما كل يوم صرت مسح جوخ لدكاترة ما بيمشي حالهم
بس احيانا ما بستخدم المجاملة
وبقول للاعور انتي اعور بعنك

تشكري على هذا الموضوع الجميل و الهادف
هاي مجاملة ههههههههه

هادا الموضوع موجه للكل ألا ألي
لهلأ ما بعرف شو هاااااااااااااي مجاملة [ندعوك للتسجيل في المنتدى أو التعريف بنفسك لمعاينة هذه الصورة]

شكرا لك أخت سلام على الموضوع الرائع وكما ذكر الرفاق للمجاملة أنواع ويجب أن يقول الإنسان الحق دائما ولا يبتعد عنه وإذا ابتعد عن الحق يغدوا منافقاً وكل إنسان يعرف عما بداخله أنَّه مع الحق أو أنَّه منافق

قلب الأسد- مون لايت - هلهولة - مازن
بتشكر ردودكم عالموضوع
وبتمنى بالفعل نشوف الاراء الناقدة للمواضيع بعيد عن المجاملة لكاتب الموضوع لمجرد أنو منعرف الكاتب ومنستحي نقول انو موضوعك بيحتوي على ثغرات
ولكن طبعا ضمن حدود النقاش الهادف والبناء وليس المدمر للموضوع وصاحب الموضوع

أي والله المجاملة بتأدي لنتائج كتير سلبية
وأهم شي انوبتخدع كاتب الموضوع من رؤية موضوعه بالوجه الصحيح
أكيد هي نقطة سلبية كبيرة ولازم نتفاداها
شكرا كتير ع الموضوع أم السوس

مجاملة يع انا ما عندي ياها بقاموسي ابدا انا صريحة كتير وبقول للشخص انو تصرفو ماعجبني بوجهو مو ورا

ولي عليكن مرة السان ومرة المجاملة كني رح وقف عضوية يلي بحط هيك موضيع بقا خخخخخخخخ

thunderstorm كتب:

بتعرفي أني فتلت كل أسماء الأعضاء بس ما شفت وحده اسمها مجاملة ..... يمكن تكون بطّلت من المنتدا.

مشكورة كتير على هاللفتة الحلوة ....... بس إذا كان ربّ البيت بالطبل ضاربا فما من شيمة أهل البيت سوى الرقص .

يعني في كتير مواضيع ما بتستاهل أنو الواحد يطّلع عليها ... بتلاقي ألف رد جايها ...و بتلاقي موضوع متعوب عليه و مكتوب من قبل العضو نفسو يعني مو منقول ....و يا دوب بتلاقيلك شي ردين تلاتة و أهم الشي بتكون الردود عبارة عن شكر و قليل لتلاقي مين يناقشك بفكرتك ....... طبعا و شو المنفعة من المنتدى إذا ما كان فيه نقاش ؟؟؟!!!! أكيد ما في منفعة .

و الخلود لنضالك النقابي .

والله يا زميل هاي هي النقطة اللي عبحكي عنها
واخيرا حطيت ايدك عالجرح
يا ريت نلاقي نقاش جاد بكل معنى الكلمة

لعمص ... وقف قلبي ... لبين ما وصلت لكلمة مجاملة .... أنا راح فكري لبعييييييييد .... مشكورة عالموضوع الهادف زميلة سلام

والله يا سلام فوتينا بالف حيط لوقت شفنا المجاملة جد خوفتيني كتير
هلأ معك حق كتير طتير ومتل ما قال فواز في مواضيع عن جد انا بستغرب كتير من العضاء بتكون بدا مناقشة وجدية كتير بياخدوا مسخرة اة بيكتفو بكلمة شكرا اي بس شو رح نساوي

والله ياسلام من أول ماقريت العنوان
عرفت أنو الموضوع فيه لعبة أو لغز على الأعضاء
لأنو انا الي بعرفك
قمت سحبت الموضوع للآخر بس حتى شوف مين اكل المقلب
بس برافو عليك موضوع حلو كتير وفكرة أحلى بكتير
بس هي مو مجاملة انت بتعرفي رأي فيك وبمواضيعك وأفكارك
وانت بتعرفي انو انا ما بحب المجاملة يعني اذا موضوع ماعجبني ما بعلق عليه ابدا حتى ما اضطر جامل حدا