التلطيش في الشوارع(التحرش اللفظي)

يعني اش المفروض انافش هون ما تركت شي الا ما حكيتو !!؟؟

بكل بساطة يلي الحق على الشباب والبنات صايرين بنات هالايام اذا ما طلطشو بيتعكر يومن واذا تلطشو كمان بيتعكر يومن
والشباب واقفين على نكشة وما لقيانين شي
والحل معروف بس الوضع الاقصادي والاجتماعي يلي مدمر الشباب يلي عم بقل ببلدنا يوم بعد يوم

دارك لايت اذا الواحد كانت اوضاعه الاقتصادي زفت بيشتغل بتلطيش يعني
معنها انا على هل الحالي لازم ساوي شي اتقل من التلطيش خخخخخخخخخخخخههههههههههههه

ما أظن انو السبب من الوضع الاقتصادي يكون ايله علاقة
عني بالدول الاوربية صارت الازمة المالية و ما حدا صار يلطش

معكون حق يا شباب بس يا مو لايت انا بعتقد انو الحق الاكبر على البنت بعدين على الشب

يلي ما بيخاف على اخواتو وهنن ماشين بالشارع كمان يتلطشو يعني صفى بيتشرفن على اخواتو وصايع على بنات الناس

دارك لايت شو يلي بدو يخلي الوحدي يتعكر يوما اذا ماتلطشت شو مفكرين خالون هالصايعين يعني

واذا كانت عقلية هالبنت هيك بتكون بتستاهل يلي بيصير فيا وهي اصيع منون كمان


مشكورين شباب على هالمرور الحلو

ان لم تستحي ففعل ما شات

ياعيني عليك هاد الحكي

يعني شو بدي احكي
ما شاء الله كفيتو ووفيتو
انا بوافقكن الرأي
يعني الحق على البنت والشب
بنفس الوقت
البينت لازم تكون متحفظة بطريقة لبسها
لانو هالايام عم نشوف شوفات والعياذ بالله

يعني نحنا البنات
منتطلع ومنقول ياي
شوفي شو لابسة هي
بقى كيف الشباب
والشب لازم يكون محترم ومتل ما قلتو
لازم يتذكر انو عندو اخوات بنات
بيخاف عليهن
وما بيرضى يصير عليهن اي شي
واخيرا ما بقول الا الله يهدينا ويهدي شباب وبنات
المسلمين
امين
مشكورة ندوش عالموضوع
المهم

ومين هاد يلي قلك انو قلب البنت بيفرفح لما عم تتطلش

فعلا في نفوس مريضة بالمجتمع اذا شفت وحدي او تنين مو معناتا انو كل اصابيعك متل بعضا

لاء ما في واذا في هاد ما بيسمو تلطيش يعني ما فيه احراج عندون

ومشكور على هالمرور

لالالالالاكلام ساسوكي كله غلط
ما بعتقد انه في بنت محترمة بترضى انها تتلطش وتنبسط
انا بكزبر جسمي كله لما بحس حالي بدي عدي بجنب شي شب وبحس انه بده يحكي شي
لا زميل حكيك مو تمام
وانا ضدك مية بالمية
بالنسبة لمون لايت مشكور حكا عنا كلنا
وبقي بس ضيف انه حتى لو كان لبس البنت فظيع اذا كان بقلب الشب خوف من رب العالمين واحساس بالمراقبة مارح يمه شي
بعرف احيانا مظهر بعض البنات بيشدهنا النا بس كمان خوف ربنا بيحصن الشباب حتى من النظرة الحرام
وشكرا على هل الموضوع

وانا اويد كلامك نور ايز

بس الشب قديش ما ساوى و حصن حالوواا ما بيقدر الا ما يطلع
رح احكيلك هاي القصة يلي صارت معي
كنت باللاذقيه في زيارة لعمي وانا بيني و بين نفسي نويت اني ما طلع على و لا بنت ملفتي للنظر
و انا ماشي بالشارع شفت و حدي قلت يا صبي دير و جهك فاذا بشوف وحدي أحلى منها قلنا يا صبي طب و جهك بالآرض مثل الحريم فاذا بشوف صورة على الارض لهيفاء و هبي قلت ياااا عمى طلعنا بالارض و ما خلصنا قلت رفاع راسك للسما و طلع فوووق احسن شي و اذا و حدي شقرااا عم تنشر غسيل ع البرندا
اي طلعت هيك و قلت حاااااج نتضحك على بعض روح مشي و طلع لان عوووووووجاااااااااا و الطابق مكشووووف

تشكري نور ايز
بس يا ساسوكي بظن انو ما في بنت رح تفرح و تنبسط اذا حدا لطشها
بعدين ليش الشي بالأصل ل يلطش
يا اخي كل واحد بيرضاه لامه و اخته يرضاه لبنات الناس

لك يا شبيحة انا كمان حكيت هيك

ويلي بيرضاه على بنات الناس بيرضاه على اختو

وكلنا ضدك يا ساسوكي بها الحكي

مون لايت أنا ماقصدت انه نحنا ما نطلع كيف ما نطلع يعني
نحنا بالشارع شو بدك يانا نوقع
لا انا اللي بقصده انه انت رح تشوف اجباري بس انت خوف الله بقلبك
وشعورك بمراقبة الله سبحانه وتعالى الك
رح ادير وجهك مباشرة وتغير مكان نظرة عيونك
هادا اللي بقصده
وشكرا الك ولمناقشتك الي بهل الموضوع

تشكري نور ايز بس والله وين مادرنا وجهنا عم نشوف شووووفات و العياذ بالله

وشكرا على ابداء رائك
فنحن شعرنا
ناقش - حاور - احترم رئك - احترم رائي
و نحنا منتعلم من بعضنااااااااااااا
تشكري

حندق بندق العين يلي ما تشوفك يامسيو مون تطق وتنبق قال كيف ما دار عم يشوف شوفات والعياذ بالله

ههههههههه

لكن هني كل مادارو شو بيشوفو خخخخ

هني كل مادروا رح يشوفوني بخلقتهم
ههههههههههههههههههههغغغغغغغغخخخخخخخخخخ

زميل ساسوكي المحترم شكرا لرأيك
أكيد نحنا هون كرمال نتناقش وبالنهاية من واجبنا اتجاه بعضنا البعض انه نحترم رأي بعض
الشي التاني اللي بدي قلك ياه بداية اللي صار بين والدك ووالدتك هو مو اسمه تحركش يعني أقارب كتير شي طبيعي وعادي انه تظهر من أحد الطرفين كلمة اشارة تعبير أو حتى كلام يعبر عن شعور أو احساس
وبعدا لما بتعجب انت بشي بنت وبتريد تتحركشها بشي سؤال فأكيد أسلوب سؤالك بدو يكون كله أدل واحترام
ولما بتحب توجه أي استفسار لأي بنت كمان طريقتك بدها تكون غير
اللي أنا عم احكي عنه هو التلطيش
يعني حتى لو كان من باب الاطراء
يعني شو هل الفستان الحلو
ماشي خلينا ناخد هل المثال
طيب اول شي مو كل شخص عم يأثني على فستاني معناها اعجب فيني وصارت نيته خطبة
لا هو من باب انه حكا وبس
بعدا لك شو اله علاقة اذا كان حلو ولا بشع
طيب شو اللي استفاده لما عبر عن رأيه
طول عمره ولا كسب شي هدية
ولا انا اطلعت فيه وقلتله تسلم كلك زوء عيونك الحلوة
يا أخي الموضوع ببساطة عبارة ان كانت اطراء أو حركشة او تلطيش بتعبر عن تخلفنا
وحتى لو في بنات بيقبلو أو بحبو يسمعو كلمة حلوة كون على ثقة هل الكلمة بفضلو يسمعوها من أشخاص معينين وما بهمهون انه اي انسان يعبرلهون عن رأيه
وبعدا زميل مين بقي ياكل حدا بهل الايام والله البنات هنن اللي عم ياكلو حتى بدون ما يسمو بالله
هههههههههههه
بتمنى تكون وصلتك وجهة نظري
وشكرا لنقشاك الممتع

يعني يااستاذ ساسوكي شو بدي احكي معك (ندى قباني) والله حضرتك متل النسوان بس علقت كلمة بتمك بدك تضل تحكي فيا ما بتعرف انو هالاسلوب المفزلك يدل على ضعف شخصيتك لان ما عم تعرف تحكي غير هالكلمة مع انو انا مارديت على حكيك كتير وبصراحة حكيك كلو ما بيخرط مشطي ومو حابي رد على هيك كلام

بعدين انا موضوعي عن التلطيش يعني الحكي الفاضي بالشوارع مو عن الحكي بين الرفقات والزملاء العترة على يلي بيقأ وبيعرف شو عم يقرأ

بعدين بأوروبة ما في تلطيش بأوروبة في تحركش يعني ما بيجي الشب وبيغازل وبيزتلو كلمتين متل عنا هاد المقصود

أخيسا سوكي

أخيسا سوكي

السيد ساسوكي ((الكبيررررررررر و العظيم ))
قبل الاخذ و الرد معك اعلم جيدا اني لست من قام بقفل الموضوع لان صلاحياتي ضمن المنتدى العام فقط فارجو ان تتاكد مرة ثانية قبل ان تتوجه لنا باتهامات باطلة

و من ان اجل ادعائك ان اتهجم عليكي لانك صرعتنا باختراعاتك واكتشافاتك بما فعلته ندى و الله يلي بشوفوك بيقول انها ثقبت الاوزن
و لنفرض ان ندى اخذت القصيدة من نزار و قالت انها لها ما بدها كل هل الجدل بينك و بينها

---------------------------------------------------------------------
اما موضوع التلطليش والاطراء
انت عم تحكي بوادي و نحنا حيكينا بوادي تاني
هلئ اذا واحد قال لزميلته صباح الخير او كيفك اوشلون دراستك او قديش الساعه بيكون عم يتحركش بالبنت طبعا لاء
هلئ انا لكل زميلاتي بمزح معهم و بحكي معهم بس كله ضمن الادب و الاصول لانهم مثل اخواتي
و هني يتقبلوا هل الشيء مني لاني زميليهم و مثل اخوهم اما اجي روح احكي مع بنت لا بعرفها و لا بتعرفني واقول لها مثل هل الكلام رح يكون تحركش ليش لان البنت ما بعرفها و عم احكي معها لتحركشها و هل الشي ما بيصير حتى لو كنت بدي اخطبها ما بيصير اتحرشكها وانا الذي حدث مع والديك ادام الله في عمرهما و ادم الحب و المودة بينهما هو امر عااااااااادي و كون هناك علاقة قرابة اما لو لم تكن هناك بينهم علاقة القرابة لما كان قال هكذا والدك

ما بعرف اذا وصلت الفكرة و لا لسه و فهمت شو قصدي

حسبي الله ونعم الوكيل
لك شو عم بيصير
يا جماعة نحنا هون كرمال ناقش موضوع معين
نصل لفكرة معينة
واذا عنا مشكلة كرمال نتساعد على حلها ونعرف اسبابها

بصراحة نحنا ما منستحق هيك ديمقراطية
مو شطارة يازميل ساسوكي انك ترد بهل الاسلوب
يعني فعلا ندى ما حكت شي عم تعبر عن رأيها
وانت كمان كنت عم تعبر عن رأيك اللي كان ماله علاقة بموضوعنا
ومع ذلك كنا عم اناقشك لنصل لفكرة وحدة بالنهاية
يمكن كبرت الامور زيادة عن اللزوم وأخدت موقف من لاشيء
حسبي الله ونعم الوكيل

مشكورة زميلة نور
و يسلم تم يلي قال (اعرف نفسك)

الأنسة نور آيز..


صدقيني لم آخذ موقفاً و لا غيره,,,و لكن بعد أن أهتم بنقاش دونما إسائة,,و يأتي أحد من العدم ليقول لي أنا شخص (مفزلك) فما رأيك يا آنستي؟؟ هل أكون أنا صاحب الموقف..
أرجو أن تكوني قد قرأتي ردي السابق عليكِ, لتجدي أني لست لا يسارياً و لا متشدّداً, و إلا فصدقيني ليس لي في منتداكم لا ناقة و لا جمل...و لكنت وجدت في بحر النت مجال أخصب يأويني...

شكراً لاهتمامك....دمــــــــت على وفاق...

معقول زميل وانا اللي افتكرتك داخل عل الموقع لأنك طمعان فيه
ههههههههههه
أكيد زميل مين اله مصلحة بالدخول عل الموقع غير كرمال الفائدة
أنا قرأت ردك وفهمت قصدك واتعمدت ارجع اشرحلك سوء الفهم اللي صار عندك
ومتل ما قلت من قبل كل واحد فينا اله رأي وواجب علينا انه نحترم آراء بعضنا
وأكيد ما خلقنا لنكون متل بعضنا بارائنا وافكارنا
بس اللي بتمناه انك تناقش الامور بروية أكتر وبطولة بال وما تنفعل بهل السرعة لأنه نحنا بنقاش مو بخناقة
الك مني كل احترام وشكرا على رأيك اللي اغنيتنا فيه

لك اهلا وسهلا فيك يا اخ ساسوكي وانا كتير بحترم رأيك وردك عليه ونزار على عيني وراسي ومو بس انت بتحبو في كتير ناس بيحبو يعني غيرتك هي على شاعر كبير متل نزار بتخلينا نفتخر فيك ومنعتذر اذا فهمناك غلط وتقبل منا انو نكون اخوة بها المنتدى الرائع لان مافي داعي للزعل

ما أجمل أن نعيش في خيرررر و أمااااااااااااااااان
تشكري على هذه الروح الجميلة ندى و انتي نور ايز و ساسوكي
يرجى طوي الصفحة و ماااااااااا بدنا زعل فكلنا اخوة و اعز انشاء الله

و أهلا و سهلاااااااااااااااااااا بالجميع

والله يا عيني من قلة الشغل ....... صايرة شغلة الي مالو شغلة يروح يدورلو ع بنتين تلاتة يتسلى فين أحسن ما يقعد بين ربع حيطان انا برئي وبحتفظ في لحالي لو في عنا شغل للشباب ...... كان كل واحد قاعد بشغلو ومو فاضي لهل العلاك الفاضي بس شو بدك تعمل .... نحنا عم نلطش بالوراثة .... صديقي لا تقول انك ما بتلطش مافي انسان ما بيلطش ... أن كان بأدب أو بغير ادب ... كل الناس خير وبركة .... وشيلك من الفلسفسة ههههه سوري حبيبي ع هل العليق بس هيك طلع معي ...... تحياتي ....... فراس كدرش

اهلا فيك استاذ فراس

لك يا شباب شوفو على هالمجتمع البايخ يعني سمعنا انو البنت بتتلطش بس انو شب يتلطش ما سمعتا

بس طلع هيك عم يصير الله يسترنا يارب من هالناس***** والله صرنا بأخر دنيا سواء شباب ولا بنات ما ضل في فرق