معاناة جماعية .

موضوع: معاناة جماعية . 14/12/10, 03:52 am

تحت شعار ... ( اطلب العلم و لو في الصين ) قمت بالقبول بالأمر الواقع و بالتسجيل في كلية آداب ادلب العتيدة ...... إلا أنه و تحت شعار ( رضينا بالبين و البين ما رضي فينا ) فكليتي العظيمة لا توقف ازعاجي و تعذيبي أنا وكل زملائي و أيضا تحت شعار ( اللي ببالو بال ما بنام الليل ) فإنها تحرمني النوم في الليل و في أوقات الظهيرة حتى أنّي قد رأيت البارحة بأم عيني نجوم الظهر المتلألئة و كل ذلك فدائاً للعلم الذي بدأت أشعر اليوم بعدم جدواه في بلد الواسطة و المحسوبية.... فما من يوم دخلت فيه إلى كليتي إلا و عدت مثقلاً بهمومٍ لا تطيقها الجبال ..... و الأمثال على ذلك كثيرة ولا أود ذكرها جميعاً حتى لا أحبطك يا عزيزي القارئ و سأكتفي بذكر ما حصل معي اليوم .

استيقظت في الصباح الباكر و لففت صندويشة البيض المسلوق نظراً لاصابتي بنفخة الكولون وقانا الله و إياكم شره و شر روائحه ...... و انطلقت إلى الكلية بفرحٍ و سرور ..... دخلت كليتي بقدمي اليمين حتى تتيسر أموري ( كما تقول لي جدتي دائماً ) و صعدت أدراجها و قصدت باب القاعة التي لا تتسع لثورين هائجين و التي سأتلقى فيها محاضرتي مع كل زملائي الذين يزيدون المئة ..... و أخذت من زمليةٍ لي مجموعة من الأوراق التي سأستعين بها لكتابة حلقة البحث .... إلا أنّي قلت لذاتي و لرفيقي عبد الحكيم (الله يسترها معي اليوم ...... بعمرو ما صار و اجتني شغلتين بتبسط على التوالي )يعني بعد ما عطتني المخلوقة الأوراق سيحدث معي شئ ما سيعكر مزاجي حتى نهاية اليوم ..... و هذا ما حصل .

نزلنا بعد أن انتهينا من المحاضرة حتى نعاين برنامج الامتحان الذي ( تشاور زملائي في أمره ) و أنا أشك في مصداقية جملتي السابقة .فتفاجأت بعدد أيام الامتحان التي لا تتجاوز الاسبوعين ( 13 يوم بالضبط ) كما صدمت بوجود مادة المسرح و بخلفها تماماً تأتي مادة الشعر و الفاصل بينهما هو يوم واحد .... فتذمرت لهذا الشئ و سألت أحد الزملاء قائلاً ( خيو .. هاد البرنامج ما رح يتغير !! و ليش ما في أيام أكتر للفحص ؟؟ ) فقال لي ( والله يا صاحبي البرنامج نزل من فوق و مو ممكن يتناقش) فظننت و لغبائي بأن الوحي جبريل قد نزل إلى الكلية حاملاً من الله جل جلاله برنامج الامتحان و أعطاه للقائمين على هذا الموضوع ...فقال لي ( لا لك سما... شو جبريل ما جبريل !!! بحلب هيك قال بدن ) فصمت لبرهة و طأطأت رأسي و اتجهت مع عبد الحكيم السابق الذكر و مع عبد الجبار قاصدين ( مقصف كلية الآداب ) لاحتساء الجعة .... لا عفواً ... لاحتساء ( النسكافيه ) فذهبت لعمو البيّاع و قلت له ( من بعد اذنك ... تلات فناجين نسكافيه ) و بالفعل قام الرجل بالتفقيس على الماكينة التي أمامه و أخرج لي ثلاث كؤوس .... ففنجرت عينيّ و قلت لنفسي ( يلعن أبو التطور ... بفقسة زر طلّع نسكافيه ..... أصبح ما يخرطلو شي ضربة ع الماكينة بطّلع طنجرة محشي )و قال ( تفضل عين عمك )
فقلت له ( شقد عمو!! ) فقال لي بابتسامة صفراوية ( 75 ) فأعطيته النقود داعياً له بالشلل و طول العمر حيث أن أسعاره سياحية جداً نظراً لـ(مقصفه) الذي لا يستحق أي نجمة بل يستحق الصدقة و الشفقة.. و اتجهت إلى أصدقائي الذين كانوا قد أمّنوا طاولة للجلوس ... فعند احتسائي لأول رشفة شعرت بحلاوة طعم النسكافيه التي تبيّن لي أنها ليس بنسكافيه بل هي (3 بـ 1) فجن جنوني و قمت من مكاني كالملسوع و اتجهت باتجاه عمو البيّاع و قلت له ( قلتلك بدي نسكافيه ... ليه عاطيني 3 بـ 1 ) فقال لي ( هاد العرف بالكفتيريا ... نسكافيه يعني 3بـ 1 ) فقلت له ( تاني مرة اسألني .... بدي النسكافيه حسب العرف أو لأ ) و عدت إلى الطاولة أسب و ألعن و أشتم بكل اللغات التي أتقنت و التي لم أتقن .
فها أنا ذا قد عيل صبري أما عيل صبركم !؟
أستحلفكم بالله جميعاً .... أهذه حالة أعيش بها أنا و أنتم .... لأن الحال واحد و القاسم المشترك بيننا هو الكلية و هذا المتدى .... إلى متى سنبقى في حالة الـ (لا معلق و لا مطلق ) متى سننعم بنعمة استقلالية القرار المسلوبة منّا .... أو فأنا أقترح على ادارة الجامعة في حلب بجلب طلاب ادلب و عندها فليقطعوا رؤوسنا حسب الأصول .

تنويه : المواد بحلب مأتمتة .... و عنّا مو مأتمتة ... هيك قرر جهازنا الاداري بالكلية .

و في النهاية أتمنى لي و لكم إقامة هانئة في ما تبقى لنا من أيام ضمن ربوع كليتنا الفريدة من نوعها .

و بالتوفيق للجميع .

موضوع: رد: معاناة جماعية . 14/12/10, 05:09 am

والله يا ثاندرستورم نحنا بإدلب غير شكل قال شو مواد مأتمتة ما في........جد شي بيقرف . [ندعوك للتسجيل في المنتدى أو التعريف بنفسك لمعاينة هذه الصورة] ...
اي شو بدنا نقول على اساس المادة مأتمتة ودرسناها على هذا الاساس ...بيجي الدكتور وبيقول المادة مو مأتمتة تعا بقا لحق كتابة مواضيع. ...و...و...و...و...و....و......اوووووف .... .وما قال من الاول انو المادة مو مأتمتة كنا عرفنا حالنا شلون بدنا ندرسها [ندعوك للتسجيل في المنتدى أو التعريف بنفسك لمعاينة هذه الصورة] ..

الله يصبرنا على هالجامعة وعلى هالبلاوي [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: معاناة جماعية . 14/12/10, 01:45 pm

مغااااامررااااااااااتي في الجامعة
استقيظت على صوت فيروز يلي حاطها نغمة منبه على جوالي و بعد القيام بالأمور الاعتيادية
انطلقت إلى الجامعة و أنا ممبتسم و متفائل والدنيااااااا برد بس اشو ما كان هاممني
و صلت الى الجامعة و تصبحت بوجه عمو أبو نمرررررر الحنوني
المهم و بعد السلامات والتحيات على الشباب و الصبايا صعدت إلى قاعتي و كلي نشاط و حيوية
فتنا عم نستنى ست الحسن الانسة يلي اتخرت شي نص ساعه وانا مره اتأخرت دقيقتين ما دخلتني
المهم وأنا عم استنى الانسه و السن يطرق بالسن و ارتجف من البرد ذهبنا إلى عمووووو أبو معتز
و جارى الحوار التالي
أنا : السلام عليكم
هو : و عليكم السلام
أنا : كيفك استاذ
هو : أهلين أبني أشو بدك
أنا : استاذ بس اذا في مجال تشغلونا المكيف و الله جو برد
هو : هههههههه اشو بدك تكيف
أنا: (عم سايره) هههههممممههه اي والله يا استاذ الجو برد و بدنا نكيف
هون صارت مقاطعة و دخل على الخط واحد على حلوووو منافع (محمد . ش)
بس يجي الدكتور
أنا : اي يعني منضل منرجف من بردنا
محمد . ش : اي انتوووو شباب
أنا : قلته دي شلونا هل الاختراع العظيم
عمو أبو معتز : بكل برودة اعصاب اي المكيف وااااااقف
أنا : اشو واقف يليش لكان حاطينه أذا ما بدكم تشغلوه
تحدث مقاطعة ثاني من أمين المستودع
عندما راى خليوي و كونه فيه زرار كتير قلي بخليويك ما فيه مكيف
أنا : طلعت فيه و قلتله عم تنكت هادا فيه بس بيرد
و طعجوني و رجعت إلى قاعتي وانا عم ادعي من جوااااات قلبي
و غرفة عمو ابو معتز حماااااام من كتر السخوني و عم يدخنواااا وعم ب=يشربواا قهوي أنشاء سمممممم ني وعسل
و هدول الجوز (محمد .ش + أمين المستودع )
أشو عم بيساوي بغرفة أبو نعتز في أوقات العمل

و ما أحلاكي يا جامعتي

موضوع: رد: معاناة جماعية . 14/12/10, 02:28 pm

البرد جفى والسخونة مع الدخان غير نكهة

مشكووووووووووووووووووووووور

موضوع: رد: معاناة جماعية . 14/12/10, 08:03 pm

اي شو هادا يا ابو الفوز الله يكون بعونك بس على كل حال متل ما بقولو جد طريق العلم صعب وطريقو وعر يلا بتهون شد الهمة وصير معيد عنا بحومص Smile

زائر

لك لو دارسلك شي معهد مكافحة تصحّر بتدمر مو كان أشرفلك من هالبهدلة؟؟ عالقليلة كنت بتجيب معك زبدة عربية لأهلك..

موضوع: رد: معاناة جماعية . 16/12/10, 02:37 am

اقتباس :

والله يا ثاندرستورم نحنا بإدلب غير شكل قال شو مواد مأتمتة ما في........جد شي بيقرف

من كتر نحنا مو أذكياء عم يعملوا فينا هيك ........ يعني لازم نخفف شوية هالزكاء الطايف .... لك الله يساعدنا على بلوتنا .
مشكورة على مرورك .

اي أبو حميد ...... أنا بقلك ليه حاطين المكيّف ..... مشان يحلفوا بحياتو .... اي مشان هيك حاطينو .
يعني وقت بتجي و بتسأل أي واحد من إداريين كليتناو بتقوا ( بشرفك هي كلية ..؟؟!!) بجاوبك هو ( اي و حياة المكيفات اللي مركبينا ) ... بقى عرفت ليه .
مشكور على مرورك .

اقتباس :

اي شو هادا يا ابو الفوز الله يكون بعونك بس على كل حال متل ما بقولو جد طريق العلم صعب وطريقو وعر يلا بتهون شد الهمة وصير معيد عنا بحومص

ما عم قلك أنو الوضع مزري بكليتنا ... أنتي ما عم تصدقي .... بس أنا ما رح اسمع منك بتعرفي ليه !!!
مشان ما صير معيد و تجي الطلاب من ورا ضهري تسب و تلعن و أنا مالي خبر .... مع العلم أنو أنا بقدّر دور المعيدين اللي مستلمين الكادر التدرسي بالكلية و الله يعطيهن العافية و من علمني حرفا كنت له عبدا .... بس بكير عليهن شوي أنو يدرّسوا طلاب آداب ........ و برجع و بقول مع كامل احترامي و تقديري .

اقتباس :

لك لو دارسلك شي معهد مكافحة تصحّر بتدمر مو كان أشرفلك من هالبهدلة؟؟ عالقليلة كنت بتجيب معك زبدة عربية لأهلك..

و الله كان لازم اسمع منك يا صديقي ... بس أنا راسي كبير و كنت عم اطمح أني صير شي شغلة منيحة بهالبلد بس يبدو أنو مالي نصيب و ما في كبير بهالبلد غير ربك ...... حتى الطموح صاير شغلة صعبة .

بس اللي خوفني أكتر من دراسة معهد مكافحة التصحر هو : عم يقولوا أنو في قرص نحل كتير و أنا ما ناقصني بالإضافة إلى أنو السمن العربي هنيك عم يجي مغشوش ...... بدك تخلينيا نقتل بعض أنا و أهلي .!!

زائر

ههههههههههههه موضوع حلو
وكلامك صحيح وكله صاير وعم نعاني منه بادلب
بس النهفة انه موضوع اتمتة المواد حسب ما فهمت مالها علاقة حلب فيها اللي عرفته من حلب انه هادا الشي بقرره عميد كليتنا المصون
المهم على سيرة المكيفات
اول مرة بروح فيها ع ادلب كان امتحان السنة الاولى وكانت مادة النحو والصرف1
وكنت قاعدة عند المكيف
بس ماكان شغال ومتت من بردي حتى اني ماكملت نص ساعة على ورقة الاجوبة وتركت ومشيت وبتفاجئ انه كل الاجابات كتبتها بالعكس
طبعا شي طبيعي من البرد اللي كنت فيه
واللي عملته انزلت بكل طيبة وبراءة لمكان بالجامعة مارح حدد وين بالضبط
وقلتلهون ياجماعة الدنيا برد ليه مو مشغلين التدفئة
بجاوبني الموجود هونيك بكل برود اشرطة الكهربا ما بتستحمل
والله بوقتها انصدمت بجوابه السخيف وقلتله وليه مركبينهون اذا كهربتكون سيئة قام سكت
اللي غاظني انه سكت
المهم الكهربا مستحملة مكيفه ومكيفات الشلة اللي عنده تحت
بس عنا الكهربا رح تضرب
يلا الحمدلله نحنا رح نخلص وهانت
بس العترة علي جايين هلأ واللي لاحقينهنون
بس فعلا أحلى جامعة جامعتنا

موضوع: رد: معاناة جماعية . 17/12/10, 06:14 am

نور آيز .... مشكورة على مرورك ... لا تعليق على كلامك ...... لأنو كتير واقعي ....... و الله يستر من الجاي ...... بس بتمنى أنو يمرء هالفحص بخير و سلامة و ما بدنا شي من الله .

مشكورة مرة تانية .

موضوع: رد: معاناة جماعية . 17/12/10, 02:20 pm

اااااااااااااااااااخ يا نور ايز
ببرك على درج الجامعه و بشوف كل واحد بيجي بسيارته و مفكر حاااالوووا عنتره زمانووووا ان حكينا طعمونا هواا و سكتونا و اذا سكتنا رح نطق بقلبنا
يا أخي لو ما كنتم قد الشغلي ليش لتفتحوا شي اسمه جامعه اذا اقل شي بيحتاجه الطالب ما بتقدروا تأمنوه ااه ليشششششششششششششششششششششششششششششششششششششششش

وانتظروا موضوع مني غيررررررر شكل على الجامعه

موضوع: رد: معاناة جماعية . 17/12/10, 08:21 pm

أبو حميد إذا كان بدك مساعدة أمانة تقلي ............ أكتر من القرد الله ما مسخ ........ و خلّي إدارة الجامعة تعمل اللي بدا ياه .

موضوع: رد: معاناة جماعية . 18/12/10, 04:02 am

يستر على الدستور هدول مالنا قدهم
انا عم امزح ما ني منزل شي
هههههههههههههخخخخخخخخخخخخخهههههههههه

عم امزح معك و رح نحكي و ما نسكت لان القائد الخالد حافظ الأسد يقول
لا أريد لآحد أن يسكت عن الخطأ أو يتستر عن العيوب و النواقص

زائر

الله وايدكون يا شباب والله نحن مو بجامعة لكن بلا مكيفات والله انجلطنا بالقاعة
عم نقعد4 4وما عم ندغا هنن هيك نصحونا

زائر

وهادا اللي عم قوله ع طول
اذا هنن مو قد تكاليف الجامعة ومصاريفها ليه لحتى يفتحوها
لك حتى كلية التربية قال اللي فرحانين فيها
استغفر الله العظيم ما رح احكي
السنة الماضية كان امتحاني فيها وكانت عم تمطر
واذ بتفاجئ انه المطر عم ينزل عل الصالة من السقف
يلعن شيطانهنون كيف عمروها هي
حسبي الله ونعم الوكيل أحسن شي

» معاناة الفقير..
» الدوري السوري للمحترفين : الشرطة يصعد للمركز الثالث وتشرين يزيد من معاناة النواعير