Happy New Year

زائر

انشاللللللللللللللللللللللللللللللللللللللللله كل سنة وانتوا سالمين والسنة الجاي تكونوا محققين كل امانيكون

هلأ تخيلوا انو اليوم طلعلكون مارد وقال اتمنوا 5 اماني لحتى تتحقق هي السنة بأذن الله شو بتتمنوا جاوبوا بس خمس اماني

زائر

رح بلش بحالي
بسم الله 1- انو صير سنة رابعة بتفوق
2- اني اشتغل بدولة من دول الخليج
3-اني-------
4- اني صير شي شغلة مسؤولة يعني حلمي الوحيد اني شوف سيادة الرئيس
5- يصيراسمي بالاخضر مو بالازرق وشطولي ومطولي فيه مليت منو خخخخخخخخ

موضوع: رد: Happy New Year 01/01/11, 04:23 am

دمت بخير زميلة ندى
و الله يجعلها سنة خير و بركة عالجميع
بالنسبة للأماني ما في شي محدد
هلأ بتمنى أنو أتوفق بدراستي و دنيتي و آخرتي
و بعدين لكل حادث حديث .... يعني على حسب السوق منسوق
و ما نيل المطالب بالتمني.... و ما بعرف شو كمالة البيت
مشكووووووووورة
كل عام و أنتم بخير
دمتم بود!

موضوع: رد: Happy New Year 01/01/11, 04:39 am

أول شي ... كل عام و انتو بخير ......... تاني شي : ... بشرفك يا ندى تالت أمنية عندك.... مو أنك تتزوجي ؟؟؟؟

و تالت شي الأمنيات :
1_ أني اقدر انتقل من ادلب على أي كلية تانية ..... و لك علواه بشحشبو .
2_ أني اترفّع ع السنة التالتة ... شحط أو بتفوّق ... ما بتفرق معي .
3_أنو تنزل قنبلة أقوى من قنبلة هيروشيما بادلب ... لترتاح البشرية منها .
4_ أني اتعرف على Hurt Heart .
5_ والله ما ضل أماني .

موضوع: رد: Happy New Year 01/01/11, 04:50 am

هههههههههههههههههه
1- سؤال فني وين بتصير هي شحشبو
2- انش الله بتترفع و بتفوق
3- آمين و حصرا فوق مدرستنا بلكي بينقلونا من هالمحل المشرشح... لأنو بظن إذا ما صار هيك رح نبقى مكانك راوح
4- عرااااااااسي يا حبيب .... دبحتني بسكينة متلمة .... بس و الله ما تقله هيك أمنية للمارد ليفرط ضحك عليك .... سايب كل الأماني و جاي بدك تتعرف عليي.... تقول بدو يصير بيتك بالقلعة ... ما بعرف.... ألف شكر على حال حبيب
و أخيراأنا ما بحط الزميلة ندى على رقبتي .... بس كاتبتلك بتوقيعها "لا تلحقني مخطوبة" انشا الله التمام على خير

موضوع: رد: Happy New Year 01/01/11, 04:58 am

ههههههههههههه.
شحشبو يا سيدي مدينة خيالية ...... بس بظن أنها بتشبه المدينة اللي كان عايش فيها ( أنيس في بلاد العجائب ).
2_ خيّو وين ما نزلت هالقنبلة أكيد رح تروّح ادلب كلها و من ضمنها الكلية العظيمة .
3_ خلّي هالمارد يدبّر حالو ....... والله انا مو طمّاع كتير ... شايف شو أني قنوع .
و أخيراً ....... يا سيدي الله يوفّق لنسفّق ........ والله منكون أول المباركين ........ مبرووووك سلف يووووو ندى .

بس لا تنسي تعزمينا ها ......

تقبّلي مروري .

موضوع: رد: Happy New Year 01/01/11, 05:16 am

HaPpY nEw YeAr

وانشالله تكون سنة خير عالجميع
أما عن أمنياتي يا ندوش فهي:

!!!!!!!!
؟؟؟؟؟؟

موضوع: رد: Happy New Year 02/01/11, 05:16 am

كل سنة وأنت سالمة يا ندوش Smile

وكل سنة وأنتو سالمين جميعا
بالنسبة للأمنيات tongue

1-أني أترفع عالسنة الرابعة (على قولة ثاندر ستورم شحط أو غيرو ما بتفرق)
2-أنو يعترفوا علينا بهالموقع Surprised

3-الله يرزقني شي سيارة -طريزيني - بسكليت أبو ال3 دواليب لك شو ماكان ما بتفرق المهم شي واسطة نقل
ما ضل عندي أمنيات Twisted Evil

وأنتي يا ندوش انشالله بتحققي كلللللللللللللللللللللل أمنياتك Neutral

زائر

Happy New Year

بالنسبة الي ... فأمنياتي :
1-اطلع عالسنة الرابعة بشي مرتبة متل السنوات الماضية
2-السنة يلي بعدها ... اتخرج من قسم اللغة الإنكليزية ... كمان بشي مرتبة انشالله ...
3-السنة يلي بعدها ... اتعين معيد بكليتنا بادلب او في حلب اذا الله راد ...
4-السنة يلي بعدها ... اطلع بعثة على انكلترا مشان كمل دراساتي العليا اذا الله راد في مجال اللغويات
5- بعد خمس سنين ... ارجع على سوريا ... على ادلب ... دكتور في اللغويات اذا الله راد ... و ما بدي شي تاني من هالدنيا ...

مشكورة زميلة ندى و انشالله الكل بتتحقق أمانيهم بالسنة الجديدة

» happy new year 2010
» The Penguins Of Madagascar Happy King Julien Day
» Jessica Simpson Happy Christmas (2010)
» The British Novel - Second Year
» لتحميل فلم Year.One