توقعـــات بروكــــن للسنة الجديدة..!!؟؟

اي لاتستغربوا..ماحدا أحسن من حدا...يعني ماغي فرح أحسن مني؟؟

لأ وانا كمان بتوقع وكلشي توقعته رح يصير

توقعاتي فقط ضمن منتدانا

انضمام العديد من الاعضاء الجدد للمنتدى في مطلع شهر شباط.. لانو جوبيتر راح لعند زحل زيارة ويمكن يضل عندو شي شهرين تلاتة



المدير العام رح يحظر شي عشر أعضاء هالسنة.. ومن بيناتهن تنين مهمين.. لانو كوكب الزهرة فات بمدار الجدي.. والله يستر


مشرف هام بالمنتدى يطلب الغاء اشرافه.. وذلك لان كوكب المريخ مدري بأي مدار فات.. مابين معي منيح


المشرف الهام نفسه بيرجع عن الغاء اشرافه بعد كم يوم..وذلك لأن كوكب المريخ طلع من هالمدار اللي ماعرفتو


بنص السنة التاني رح نفرح بزواج عضو من المنتدى.. وذلك لان كوكب عطارد رايح يشرب قهوة عند كوكب المشتري...




حذف العديد من المواضيع لانها مكررة وذلك لان كوكب بلوتو يمر بعديد من الأزمات هذا العام


حاجة هلأ لهون.. مابدي أشغل بالكم أكتر

تعالوا نحكي جد هلأ

أكيد الأغلبية بيسمعوا التوقعات عند بداية كل سنة
وأغلبها عن الحوادث والزلازل والفيضانات والبراكين
وطيارة وقعت وسياسي هام رح يموت هالسنة(هالسنة توقعوا موت اربع سياسيين) وووووووووووووو.... الخ

من خلال هالتوقعات..لاحظوا انو هالشغلات طبيعية انو تصير..

وأكيد أكيد رح يزبط معهن شي كم توقع بما انه طبيعي يصير

انا مابنكر انه علم الفلك من أجمل العلوم..بس مو لدرجة توقع الغيب

يعني معقول كل مواليد الحمل هالسنة رح يتجوزوا؟؟

ومعقول كل مواليد الجدي رح يصيروا من أصحاب الأموال هالسنة؟؟
كلهن كلهن؟؟؟

ومعقول مايصير فيضانات وبراكين وتوقعلا شي طيارة او طيارتين هالسنة؟؟

ومعقول مايموت حدا سياسي يعني؟؟

ماعلينا

أسئلتي
هل تؤمن بهذه التوقعات وتستمع لها بآذان صاغية؟؟
هل سبق لك حدوث أمر من توقعات برجك؟؟؟
هل تعتقد ان علم الفلك وعلماء الفلك هم من السحرة والدجالين؟؟