ميـــزات الشـــب الســـوري

*بيحب يلبس نظارة شمسية سوداء حصراً
ويفضل من النوع العاكس منشان يطلع على الناس بدون
ما يشوفوا لوين عميطلع


*بيحب يطلع قدام عند الشوفير( جنبه) بالسرفيس
و يحجز مقعدين ويرجع إيدو
لورا والإيد التانية برا الشباك




*دائما بيحكي باسم معلمو وبشوف حالو حتى لوكان بواب أو شوفير طرطيرة


*بيحقد على مهند بمسلسل نور وعلى يحيى بسنوات الضياع


*بيفكر بالطلعة برات البلد منذ نعومة أظفاره حسب الترتيب التنازلي التالي:
أمريكا- أوروبا – الخليج – لبنان سابقا..
وإذا فشل مع تقدم الزمن بيقرر ينتقل للشام العاصمة
أحسن من بلا



*بيحب يكتب ذكريات على الحيطان و مقاعد السرافيس
مع رسمة القلب والسهم دليل الحب



*روح قلبو يروح مع صحابو على الصالحية والحمرا لما بدهن يشتروا ألبسة
بس لماهو بدو يشتري إلو فوراً على البالة بالإطفائية



*إذا مزاجو معكر ومو جاي عبالو يعيد بالعيد بيتذكر أنو صهر ابن خالة مرتو توفى من 9 أشهر
وبخبر الناس أنو حزنان هالعيد



*سبحان الله فهمان بكل شي بالفطرة اذا بتسألو باي شي بيفهم
وبس يستلم منصب بزل العالم حتى لو شوفير بزل الركاب



*اساتذ بضرب البراغي وحتى لو كان ابوه.



*سيارتهم المفضلة مرسيدس حتى لو كان موديلها 1800


*بيخلق وبيحب يكون دكتور سبحان الله هيك لحالو ما حدا بيوجهو
لا أهلو ولا المجتمع بالفطرة يعني



*بنظر أهلو كان الأول على صفو دائماً وكل مذاكراتو عشرات
بس بتتفاجئ أنو تارك المدرسة بدون ما ياخد كفاءة



*إذا وصل للبكالوريا بيقرر أنو بدو يعيدها من بداية العام الدراسي
وبيتأكد هالقرار ليلة فحص أول مادة



*بيقتل حالو حتى يطلعلو طب بعد البكالوريا ولما يصير بالكلية وبيشوف الطريق طويل بيلعن أبو الساعة اللي انقبل فيها
أما إذا ما انقبل طب بيضل طول عمرو يشكي ويبكي ويندب حظو وبيعتقد أنو سوريا خسرت طبيب فذ بعدم قبوله



*بشكل فطري ومن السنة الأولى بيرغب بإختصاص الجراحة العصبية ليش ما حدا بيعرف؟




*إذا سألتو زميلتو بالكلية سؤال عن شي مادة بيفكر دغري أنها بتحبو



* بيحاول أول العام الدراسي يطبق بنات السنة الأولى
عأساس هو الخبير بكواليس الكلية وأمور الدراسة والمواد
مع أنو بكون مترفع شحط ومعو أربع مواد على الأقل



* بكلية الطب بيقضيها سري مري بين الصيدلة والآداب
وشرط بيضل حامل المريول الأصفر اللي كان لونو أبيض بس كحت من الشمس بإيدو
رغم أنو ما عندو عملي( دكتور يا بعدي)