1- اربع حماصنة حرابيق طالعين بتكسي شوفيره كمان حمصي, بدّن ياكلوا الاجرة
عالشوفير قام اتفقوا انو ينزلوا بسرعة بس توقف السيارة وفعلا وقفت السيارة قام
فتحوا الابواب بسرعة واشتغل الركض رجليهم تدق بضهرهم من السرعة وفاتوا ببناية
عالعظم وطلعوا اول طابق....تاني طابق....تالت.....هيك حتى وصلو لاخر طابق
لزقوا بالحيطان ولا حِس ولا نفس,
بعدين واحد منهم لكش اللي جنبو وقال له: يا ترى شو صار بالشوفير؟؟؟
قال له: لك انا الشوفير بس قلي شو القصة؟!
.......................................
2 - فيه ختياره حمصية طبّوا عليها حراميه وسرقو التلفزيون، قامت لحقتهم ركض مشان تعطيهيم الريموت كونترول
..............
3 - حمصي يقول لأبوه: يابا، بدّي اكمّل دراستي برّا ...
قال له أبوه: ما عندي مشكلة يابا، هلأ بخلـّي امك تفرشلك بالجنينة، بس انتبه
من البرد
....................................
4 - وحدة حمصية ضاعت شنطتها راحت تبلغ الشرطه قالولها ولا يهمك روحي البيت و نحنا بنطلع الشنطة من تحت الارض.
وهي رايحه شافت بالشارع عمال البلدية يحفرو، قالت لهم: شدّوا حيلكم يا شباب،
الشنطة لونها بني
..................................
5 - واحد حمصي اشترى تكسي و فرحان فيها كتير،
صاروا العالم يأشرولوا: (تكسي تكسي....؟)...وهو يقول: ( ايه بعرف بعرف....)
.......................................
6 - حمصي طلبوا منه يتبرع لبناء سور للمقبرة.
قال لهم : عمرنا ماشفنا ميت هرب.
..................................
7 - حمصي بخيل مات,
فتحوا أولاده الوصية لقوا مكتوب فيها ( لاتغسلوني امبارح عملت دوش)
..................................
8 - حمصي نجح راح لعند أبوه قلّو:
بابا نجحت.
قام عطاه عشر ليرات وقالو:
روح اشتري بيبسي …
اجى ابنه الثاني قالو بابا أنا كمان نجحت.
قام قالو: يللا خذ لك شي كاسه فاضية بسرعه والحق اخوك.
..............................
9 - حمصي حامل كرتونة بيض شاف قشرة موز بالشارع قال يا حبيبي راحو البيضات
.....................................
10 - حمصي اجاه عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت رح تطلع يا أستاذ" ، فيرد عليه ويقوله : "اي هدول طالعين رحله .. انا طالع شغل
..........................................
11 - حمصي أبوه عطاه كتاب دين, بعد اسبوع دخل على أبو وقللو بابا ...بدي اتحجب
..............................................
12 - حمصي سالوه شو احلى صدفه بحياتك قالهم امي وابي تزوجوا بنفس اليوم
.........................................
13 - حمار هربان من حمص وصل الشام وقفوه الناس وسالوه شو صاير معك ليه عم تركض قال الحماصنه عم يذبحوا كل البقر ، قالولو وانت شو خصك ، انت حمار مش بقره , قال ايه كيف بدي أفهم الحماصنه هالكلام
................................................
14 - في واحد حمصي عم بيلعب بقنبله مر من جنبو جارو الو لعمئ مابتخاف لتنفجر ام قللو وشو يعني عندي غيرا بالبيت
...............................................
15 - كان في واحد حمصي عايش بالشام ..راح سجل ابنو بالمدرسة .. اجا اول يوم الولد من المدرسة لعند ابوه والو بابا ..بابا..اليوم الاستاذ قلنا عدو للعشرة وانا عديتلو للعشرين ..قام قلو ابوه ...ليش بابا..قلو لاني ذكي بابا ..قلو لاء بابا لانك حمصي.. وباليوم التاني ..اجا لعند ابو وقلو بابا...بابا .اليوم الاستاذ عطانا الاحرف الابجدية وانا الوحيد بالصف كنت حافظهن...قلو ليش بابا ..قلو لاني ذكي بابا ..قلو لاء بابا لانك حمصي... وباليوم التالت اجا الولد لعند ابوه وقلو بابا ..بابا اليوم الاستاذ قاس طولنا وانا طلعت اطول واحد بالصف ...قلو ليش بابا قلو لاني ذكي بابا ...قام قلو لاء بابا لانو عمرك 30 سنة.
..........................................
آخر حـِكـَم الحماصنة
إذا لم تكن ذئبا ً ...... فأنت حيوان آخر'
