سؤال هام للشباب ؟لكن اللي عصبي لايفوت ؟اللهم قد بلغت

السلام عليكم ورحمة الله وبركاته
كيفكم شباب

رح ابدا موضوعي بس الله يخليكن بدون تعصيب
اتصل فيك صديقك وقال انزل عازمك على فنجان قهوة بالكافي
طلعتو وطلبتو القهوة-----وسألك رفيقك شو رأيك بالحب
جاوبتو
ان الحب سامي
فسألك طيب حرام
جاوبتو
مين قال الحب اصدق ما في الوجود
وسأللك هلاحببت من قبل
جاوبتو
نعم Smile

نظر اليك وقال
انا احب اختك Crying or Very sad

ماهي ردة فعلك في هذا الموقف
ا رجو الرد بصراحة وبانتظار ارائكم Razz

ردة فعله ...اكيد رح يدقه قتلة ما في مجال.وما بقا بيحكي معو وبيتركوا للأبد ..بعدين ما عرف يحب غير اخت رفيقه

مشكورة اميرة

زائر

بقوم و بوسوا من نص عينيه و بقلو يا أخوي و اذا عادي نحن شعب متحرر ... غلبنا اوربا بالتحرر ... بس بعدين بقلو بما انك قلتلي ... خلص خجل مني لازم تبطل تحبها ... هيك بأخلاق عالية ... لأنو أنا ابن صحابي ...
اي على الحلال بمسكوا من راسو و بنطحوا نطحة تجيب أجلو .... و بقوم اشو في حوالي بطربقوا فوقو ... و بمسح فيه ادلب و قضاها ...... وبقتلو قتلة بعدمو حياتو ... اذا ما ارتكبت فيو شي جريمة ..... بلا ما كمل ....
Mad

هلئ هون القصة فايتي ببعضها
لذلك هو من وين تعرف عليها و حبها
و بعدين الحب شي كويس و ما في داعي اذا كان صادق انو ينطوط على الحيطان كان بعت اهلوا واجوا من الباب وطلبوا ايدها من اهلها نظامي
بس اذا كنت بارك وقال هل شي ما رح اكذب عليكي
يمكن قول له روح سامحتك و بروح ببعتوا على المشفى الوطني على غرفة الانعاش

###############

لا تعجبي إن بدوت ..........
حزينا.......
قليل الكلام ..........
قليل الهدير..........

قد يظهر البحر لطفا...........لكن....!
بداخله...........
ألف معنى خطير.............![/b]

لك شبكن يا جماعة هلأ لو هو بدو يضحك عليا كان ما حكى مع اخوا بالمرة كان حكى معا واتسلى بس هو قصدو شربف ودخل من الباب

بما اني هو صيديقي وبعرفو بشرفني اني يحب اختي لاني بعرف اني رفيقي ما بحب اختي الا اذا كان ناوي يرتبط بيها
وكل واحد بيعرف مين مصاحب مو هيك سؤال هام للشباب ؟لكن اللي عصبي لايفوت ؟اللهم قد بلغت 805726

سؤال هام للشباب ؟لكن اللي عصبي لايفوت ؟اللهم قد بلغت 805726

أكيد رح افقعو كف خلي دمو حميمو و رح خلي فرجة لمين يتفرج ....... طبعا هاد أول ما بيشتغل الناموس الشرقي ........ بعد بفترة بصير أعرف شو صار بيناتون ..... وطبعا إذا كان رفيقي بكل معنى الكلمة و يكون قاصد الخير و فايت من الباب مو من الشباك ........أكيد نسبو رح يشرفني ..... ولا أنا غلطان.

دارك لا يت وثوندستون معكن حق وهاي هو الصح

مشكورين دارك لايتوفواز على ردكم الكريم وفعلا بهيك وضع انا برأي لازم تتروو لانلو مو قصدي شريف ما كان حكى معك انت اخوها

والله يا أميرتنا نحنا الشباب محلل علينا محرم على غيرنا
يعني معليش نحب أخوات العالم بس العالم مابصير يحبوا أخواتنا
بس متل ماقال دارك لايت إذا أنا رفيقو معناها أنا بثق فيه وبعرفو
ولما هالشب بيصارحني معناها قصدو حلال ومو عبيتلاعب بمشاعر أختي

وهاد قصدي يا ايبرا مشكور على مرورك الكريم

اميرة السلام كتب:: وهاد قصدي يا ايبرا مشكور على مرورك الكريم

أهلين يا خيت 000

إذا كنت أحب أهلي و أنا لم أخترهم.... فكيف لا أحب أصدقائي و قد اخترتهم بكامل ارادتي و حريتي؟؟؟
بصراحة الموقف حساس يا أميرة
ومع احترامي الشديد لآراء الاخوة الأعضاء فأنا لا ارى بالموضوع أي مشكلة خصوصي انك حطيتي شرط الصراحة
و لأني أنا بعرف كيف اختار أصدقائي فلذلك ما في اي مشكلة بالموضوع
تاني شي اذا قمت دقيتوقتلة ما بكون استفدت شي لأنو القتلة ما رح تغير شي باللي صار... فبكون خسرت أختي و خسرت صديقي مع بعض
و تالت شي انا رح انزعج اكتر بكتير لو اكتشفت هالأمر بنفسي يعني هون صار في خيانة للصداقة و طعن بالظهر بس طالما هو صارحني بالموضوع معناتا قصدو شريف و داخل من الباب مو من الشبابيك وهاي نقطة ايجابية منو خصوصي انو هو لازم يكون حاسب حساب انو ممكن نتقاتل مع بعض و انو أنا احتمال ما اتفبل الفكرة بس غيرتو على شرف رفيقو ما بتسمحلو يخلي الأمر سر عني
و متل ما قال دارك لايت كل واحد بيعرف مين مصاحب
يعني اذا صديقي ما قبلت فيه بمين بدي اقبل... بعدوي؟؟؟
ولكتن للأسف متل ما قال ايبرا نحن نعيش في مجتمع شرقي بامتياز لايرحم

بصراحة متل ما قالو كل الشباب اتو الموضوع بجد حساس انا حضرت هيك موقف اخوا للبنت راح يلم ازعر الخلق ليربيه وحلف يمين ليكسرلو ايدو بس احزرو ليش ايدو ؟ لانو بعد يومين كان عندو فحص وهو بكالوريا وبعدين الام هدتو ومع الوئت تئبل الموضوع بس شرط يكون كلشي ضمن الاصول هي هية الحياة ونحن لازم نرفع راسنا انو اخواتنا الشباب بغارو علينا لانو الغيرة من الاسلام بس بحدووووووووووود صحي سارة وين تعليق الصبايا شو ما في ردود الا من الشباب مهادا الموضوع بهمنا النا كمان Crying or Very sad

طيب شو بساوي يا يمامةاذا البنات ما عم يدخلو على منتدى الشباب لا عم يرد على المواضيع وينكن يا صبايا

زائر

حسبي الله ... شو هالسؤال .......... queen

السوؤال لا حساس ولا شي
هيدا الصديق بدو قتلة تنسيه حليب امو
لان لو صديق بج ما كان عرف يحب اختي
لان الصديق الصدوق بيدير بالو على اهل رفقاتو
وما بيحاول يبعد قدر الامكان عن اخوات رفقاتو البنات لاني هالموضوع كتير حساس بالنسبة للشباب ولو كانو كتير اصدقاء
ولما بدو يحب اختي معناها هوة خرق هالحرمة المقدسة بين الرفقات وبيستاهل الي بدو يصرلو
Sad

شكرا kht-back كل واحد الو وجهة نظر بالموضوع ولولا الازواء ما بتنباع البضايع What a Face

بما اني هو صيديقي وبعرفو بشرفني اني يحب اختي لاني بعرف اني رفيقي ما بحب اختي الا اذا كان ناوي يرتبط بيها
وكل واحد بيعرف مين مصاحب مو هيك
اللــــــــــــه حيــــــــــــــــــــو دارك لايت ... هاد الرد يلي عم فتش عليه ......
بس انشالله ما يكون حكي بس ..
وبعدين يا ازكيا لو اصدو وسخ كان ضل عم يتسلا وما اجا حكا لاخوها .. يعني باين اصدو شريف .. بس حب يخلي الاخ على الاطلاع ..حتا ما تمشي المي من تحتو وهو مو دريان ...يعني محرم صداقتون ..ومحترمو
Evil or Very Mad

أنا بما أنو لصغير بسأل اخوي لكبير وبحكي
بس بما أنو حكا خلص الحكي
هههههههههههه Very Happy

هههههههههههههههههههه

صغيررررررررررر يا مازن صغيرررررررررررر
هههههههه

أولاً : قال صلى الله عليه وسلم : من أحبّ فعفّ فكتم فمات مات شهيد في سبيل الله
الحب في الإسلام ليس بحرام ولا عيب ولكن شرط الكتمان ولكن في نهاية الأمر بعد أن يستعد الصديق للزواج ويصارح صديقه بالمشاعر التي يخبأها تجاه أخته وهي خطوة قبل التقدم للأهل فليس في ذلك أي مشكلة بالعكس يقول المثل:

دوّر لبنتك قبل ما تدوّر لأبنك

يعني الناس تنتظر العريس لابنتها بفارغ الصبر حتى يستروا على بناتهم لأن هذه البنت أمانة في أعناقهم

إذاً هذا الصديق جدير بالاحترام

موضوع تستحق كاتبته التقدير

مشكورة دالياعلى مرورك ومشاركتك الرائعة
وعبد رأيك في منتهى الروعة مشكور اخي الكريم

» سؤال للشباب والبنات
» اللي بدا تفوت تحط على راسا
» كيف تتحول من شخص عصبي الى شخص هادئ
» اللهم صل على محمد
» قصة وعظ وتذكير الغافلين اللهم لاتجعلنا من الغالفين