اسرار الدكادترة (مو الكل طبعا)

لما الدكتور يقول
" هاد المرض ما بيستنى معنا، لازم نعملو عملية فوراً"
يبقى قصده
لازم نلحق نعملك عملية، لأن لو استنينا رح يطيب المرض لوحده وتضيع علينا الفرصة!!
لما الدكتور يقول
" شو تاريخك المرضي؟!! "
بيكون قصده
بدي اعرف أسامي الدكاترة اللي كنت تروح لعندن، مشان أعرف انت دفيع ولا.....!!!!
لما الدكتور يقول
" استعمل الدوا هاد وتعا لعندي بعد بكرة "
يبقى قصده
هاد دوا لا بينفع ولا بيضر، تعا بعد يومين لبين ما أكون سألت حدا بيفهم!!
لما الدكتور يقول
" بشوفك بعد عشر أيام "
يبقى قصده
مشان تدفع معاينة جديدة، انت ما قريت شو مكتوب عالكرت "المراجعة مجانية خلال أسبوع"!!
لما الدكتور يقول
" عندي خبر مو كل هالشي كويس، وخبر حلو، عندك مرض خطير بس إذا ما ضيعنا وقت ممكن نلحقو ونعالجه "
يبقى قصده
الخبر الحلو اني أخيراً رح اشتري سيارة مرسيدس والخبر المو كل هالشي انك رح تدفع تمنا!!
لما الدكتور يقول
"نحنا رح نتابع تطورات الحاله أسبوع كمان قبل ما نعمل أى اجراء"
يبقى قصده
الصبر طيب يمكن البلوة هي تتحول لشغلة نعرف إلها علاج!!
لما الدكتور يقول
"انت محتاج تعمل شوية تحاليل"
يبقى قصده
من الآخر أنا ما عرفت شوعندك، يمكن الدب اللي بالمخبر يعرفو وينورني!!
لما الدكتور يقول
"اعمل التحاليل في المركز هاد، أنا بثق بالنتائج عندن"
بيكون قصدو
بيدفعولي عمولة 40% من تمن التحاليل!!
لما الدكتور بيقول:
" أنا رح احولك على أخصائي يشوف حالتك أحسن مني "
قصده:
انت صحتك متل الفل بس الزلمة هاد مزنوق على قرشين وواجب ننفعه!!
لما الدكتور يقول
"الدوا هاد ممتاز جداً مع انه غالي شوي، بس احسن من البديل الرخيص اللي صارغير فعال"
يبقى قصده
مندوب دعاية الشركة هلق طلع من عندي وعطاني شنطة دعاية جلد بتجنن

يعني هاد النوع من الدكاترة موجود للاسفيعني بيشتغلو من دون ضميربس متل ما قلتي مو الكلوالله لا يخلينا بحاجة لالنشكرا على هالموضوعالواقعي

الله لا يعيزنا للدكاترة
الصحة والعافية اهم شي
مشكورة هلا نور [ندعوك للتسجيل في المنتدى أو التعريف بنفسك لمعاينة هذه الصورة]

والله كلانك مزبوط مية بالمية ياهلول
اسأليني الي

سكاي ستار مرورك اسعد قلبي

مشكورة
[ندعوك للتسجيل في المنتدى أو التعريف بنفسك لمعاينة هذه الصورة]

كل الشكر لكي هلا
موضوع واقعي جداً وهاد يلي عم يصير [ندعوك للتسجيل في المنتدى أو التعريف بنفسك لمعاينة هذه الصورة]